សុវត្ថិឌី ធារីកា រវល់ការងារសិល្បៈប៉ុណ្ណា ក៏នៅតែមិនបោះបង់ការសិក្សា(មានវីដេអូ)
- 2017-03-20 02:57:29
- ចំនួនមតិ 0 | ចំនួនចែករំលែក 0
សុវត្ថិឌី ធារីកា រវល់ការងារសិល្បៈប៉ុណ្ណា ក៏នៅតែមិនបោះបង់ការសិក្សា(មានវីដេអូ)
ចន្លោះមិនឃើញ
ទោះបីជាមានការរវល់ជាមួយការងារសិល្បៈយ៉ាងណាក្ដី សុវត្ថិឌី ធារិកា ប្រាប់ថានាងមិនបោះបង់ឡើយនូវការសិក្សា។
តារាចម្រៀងស្រីក្នុងក្រុម "ខ្មែរ Idol" រូបនេះប្រាប់ថា៖ "សព្វថ្ងៃនេះខ្ញុំរៀនឆ្នាំទីមួយនៃសាកលវិទ្យាល័យនីតិសាស្ត្រ(RULE) ផ្នែកគ្រប់គ្រងធុរកិច្ច ហើយដោយសារតែឆ្នាំនេះរវល់ច្រើនជាមួយការងារសិល្បៈបើមិនអ៊ីចឹងទេខ្ញុំ នឹងរៀន២ជំនាញហើយ"។
នាងបន្តថា បើឆ្នាំក្រោយការងារសិល្បៈរាងរង្វើលបន្តិចខ្ញុំនឹងចាប់មួយជំនាញទៀតគឺ អក្សរសាស្ត្រអង់គ្លេស។ បើនិយាយដល់រឿងបោះបង់ការសិក្សាវិញនាងថា៖ "មិនបោះបង់ទេបង ព្រោះខ្ញុំស្រលាញ់ការរៀនជាង បើចង់បោះបង់ បោះបង់តាំងពីនៅប្រលងកម្មវិធីម្ល៉េះ ព្រោះពេលនោះជាប់ប្រលងទី១២ដែរ តែយ៉ាងណានាងនៅតែខិតខំប្រលងឲ្យជាប់" ។
ម្ចាស់បទ "ព្រោះតែស្រលាញ់" បញ្ជាក់ថា ទោះជាយ៉ាងណាក៏ដោយក្រោយចប់បរិញ្ញា នាងនឹងបន្តរកការងារធ្វើ ព្រោះខ្លួននាងចង់មានបទពិសោធន៍ការងារ។ ចំណែងឯសិល្បៈវិញនាងនឹងឆ្លៀតបន្តវាតទៅទៀត ជារួមគឺដើរទន្ទឹមគ្នា។