អារម្មណ៍នៅភ័យខ្លាច ពេជ្រ អាវីហ្សា រអាទទួលយកស្នេហាលើកទី៣

2017-03-20 03:48:31
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីបែកបាក់ស្នេហាជាបន្តបន្ទាប់បានជំរុញឲ្យ កញ្ញា ពេជ្រ អាវីហ្សា ខ្លាចរអាមិនចង់បើកបេះដូងទទួលយកស្នេហាជាលើកទី៣។

ពេជ្រ អាវីហ្សា បានប្រាប់ Sabay ក្រោយពីបែកបាក់ស្នេហាជាលើកទី២ ដោយសារតែការប្រច័ណ្ឌរហូតមកដល់ពេលនេះនាងមិនទាន់បើកបេះដូងទទួលបុរសណាម្នាក់មកពិចារណានៅឡើយទេ ព្រោះមិនចង់ជួបស្នេហ៍ខកបំណងម្ដងហើយម្ដងហើយម្ដងទៀត។ "ចាសបងក្រោយពីបែកបាក់ស្នេហារួចមកមានបុរសៗតាមសុំស្រឡាញ់ខ្ញុំ តែនាងខ្ញុំអត់ទាន់ហ៊ានទទួលទេបងព្រោះទើបតែជួបរឿងឈឺចាប់ថ្មីៗ អ៊ីចឹងទៅធ្វើឲ្យខ្ញុំរាងស្រងាកចិត្តជាមួយប្រុសៗខ្លាចល្អតែមុនដំបូង"។

ស្រីស្អាតដើមទ្រូងទ្រលុកទ្រលន់ បន្ថែមថា ប្រសិនជាមានស្នេហ៍លើកក្រោយនាងមិនចង់មានឈ្មោះត្រឹមជាសង្សារ ទៀតទេ បុរសដែលស្រឡាញ់ត្រូវតែចូលស្ដីដណ្ដឹងដល់លោកឪពុកអ្នកម្ដាយទៅតាមប្រពៃណីខ្មែរទើបនាងយល់ព្រម។ ព្រោះរយៈពេលប៉ុន្មានឆ្នាំមកនេះនាងហត់នឿយជាមួយស្នេហាច្រើនពេកហើយ ទើបមិនចង់ចំណាយពេលវេលាដ៏មានតម្លៃជាមួយវាតទៅទៀត។

នាងបញ្ជាក់ថា បុរសដែលនាងសម្រេចចិត្តយកមកធ្វើជាស្វាមីនៅថ្ងៃអនាគត មិនមែនជាបុរសនៅក្នុងរង្វង់សិល្បៈទេ តែជាបុរសម្នាក់ដែលមានការងារសមរម្យនៅក្នុងសង្គម ស្រឡាញ់ និងផ្ដល់តម្លៃឲ្យក្រុមគ្រួសារនាងគឺគ្រប់គ្រាន់ហើយ៕

អត្ថបទ៖ ឆុង ស៊ីណាន