ជើងខ្លាំងប្រណាំងឡាន Hamilton អាចនឹងចូលនិវត្តន៍ឆាប់ៗ
- 2017-03-20 08:49:23
- ចំនួនមតិ 0 | ចំនួនចែករំលែក 0
ជើងខ្លាំងប្រណាំងឡាន Hamilton អាចនឹងចូលនិវត្តន៍ឆាប់ៗ
ចន្លោះមិនឃើញ
កីឡាករឆ្នើម Lewis Hamilton ជើងខ្លាំងប្រណាំងរថយន្ត F1 របស់ចក្រភពអង់គ្លេស អាចនឹងចូលនិវត្តន៍នៅរយៈពេលឆាប់ៗខាងមុខនេះ។ នេះបើតាមការលើកឡើងរបស់វីរបុរសអង់គ្លេស David Coulthard។
Hamilton វ័យ៣២ឆ្នាំ បានចាញ់មិត្តរួមក្រុម Nico Rosberg ទាំងប្រផុតប្រផើយ ធ្វើឲ្យខកខានឈ្នះពានជើងឯកពិភពលោកជាលើកទី៤។ ប៉ុន្តែសម្រាប់រដូវកាលថ្មី ឆ្នាំ២០១៧នេះវិញ គេជឿថា ម្ចាស់ជើងឯកពិភពលោក៣សម័យកាលរូបនេះ នឹងអាចឈ្នះពាន បន្ទាប់ពី Rosberg បានចូលនិវត្តន៍។ ទោះជាយ៉ាងណា លោក Coulthard យល់ថា Hamilton អាចនឹងចូលនិវត្តន៍នៅមុនអាយុ៣៥ ព្រោះរូបគេនឹងមិនអាចរក្សានូវកម្រិតកំពូលបានច្រើនឆ្នាំទៀតនោះទេ។
“ខ្ញុំមិនច្បាស់ថា ពេលណាគាត់និយាយថាឈប់ទេ។ ប្រហែលអាចចប់រដូវកាលនេះ អាចពាក់កណ្តាលរដូវកាល។ ប្រហែលជាឆាប់ៗជាអ្នកគ្រប់គ្នារំពឹងទុក។ វាពិតជាភ្ញាក់ផ្អើល បើគាត់បន្តធ្វើដល់អាយុ៣៥ឆ្នាំ ព្រោះគាត់ប្រកបអាជីពតាំងពីក្មេង។ ការរក្សាកម្រិតមួយល្អបំផុត រយៈពេលជាង២០ឆ្នាំ វាពិតជាពិបាកណាស់។ អ្នកកីឡាតែងមានចំណុចកំពូល ប៉ុន្តែបើគាត់មិនឈប់ទេ គាត់នឹងធ្លាក់ថ្វីដៃ”។ លោក Coulthard បានលើកឡើង៕