ហេតុ​ផល​គួរ​​ដំឡើង​កម្មវិធី Open Office ចោល Microsoft Word គ្មាន​អី​សង្ស័យ​ទៀត​ទេ

  • 2017-03-21 01:31:18
  • ចំនួនមតិ

ចន្លោះមិនឃើញ

Open Office ជា​កម្មវិធី​ជំនួយ​​អ្នក​ធ្វើ​ការងារ​ការិយាល័យ អ្នក​និពន្ធ អ្នក​សារព័ត៌មាន សម្រាប់​ការ​វាយ​អត្ថបទ​សរសេរ​​លើ​កុំព្យូទ័រ។ មាន​ហេតុផល​ទាំងនេះ អាច​ឲ្យ​​អ្នក​ផ្លាស់​​ប្ដូរ​ការ​សរសេរ​អត្ថបទលើ​កុំព្យូទ័រ​​ដោយ​ប្រើ​កម្មវិធី Open office ជំនួស Microsoft Word។

កម្មវិធី​ត្រួត​ពិនិត្យ​អក្ខរាវិរុទ្ធ(រូបភាព៖sbbic.org)

១/ Open Office មាន​កម្មវិធី​ត្រួត​ពិនិត្យ​អក្ខរាវិរុទ្ធ​​ទាំង​អក្សរ​ខ្មែរ និង​អង់គ្លេស

ចំណុច​នេះ​​​ចង់​​​សំដៅ​​ដល់​​មុខងារ​ត្រួត​ពិនិត្យ​អក្ខរាវិរុទ្ធ និង​វេយ្យាករណ៍​ ខុស​ពី Microsoft Word មាន​សម្រាប់​តែ​ភាសា​អង់គ្លេស។ វា​អាច​ត្រួត​ពិនិត្យ​បាន​ទាំង​ពីរ​ភាសា​ពេល​កំពុង​​សរសេរ រីឯ​មុខងារ Zero-with Space ក៏​អាច​ប្រើ​បាន​ទាំង​អក្សរ​ខ្មែរ និង​អង់គ្លេស​ដែរ។ អ្នក​អាច​សរសេរ​អត្ថបទ​មិន​បារម្ភ​រឿង​ខុស​អក្ខរាវិរុទ្ធ​នោះ​ទេ ព្រោះ​វា​​ភ្ជាប់​ជាមួយ​កម្មវិធី​ត្រួត​ពិនិត្យ​អក្ខរាវិរុទ្ធ​ខ្មែរ និង​កម្មវិធី​ត្រួតពិនិត្យ​វេយ្យាករណ៍​ខ្មែរជាដើម។

២/ Open Office អាច​ធ្វើ​អ្វី​បាន​ខ្លះ​លើស​ពី Microsoft Word ?

ក្រៅ​ពី​មុខងារ​ចម្បង​សម្រាប់​ការ​សរសេរ ឬ​វាយ​អត្ថបទ បង្កើត​តារាង ចាក់​ពណ៍​អក្សរ​ជាដើម Open Office នៅ​មាន​ចំណុច​ពិសេស​មួយ​ដែល​អ្នក​ទាំង​អស់​គ្នា​មិន​បាន​ចាប់​អារម្មណ៍​។ វាអាច​បម្លែង​ឯកសារ (Convert) ទៅ pdf ដោយ​ងាយ​មិន​ត្រូវការ​អឺនធើណិត​ខុស​ពី Word រាល់​​ពេល​ដែល​ចង់​បម្លែង​ទៅ pdf ទាល់​តែ​មាន​អឺនធើណិត និង​ត្រូវ​ការ​តម្លើង​កម្មវិធី​ជំនួយ។

៣/ Open Office ដោនឡូត​មិន​អស់​លុយ មិន​ត្រូវការ Crack​

Open Office ជា​កម្មវិធី​សម្រាប់​ការ​សរសេរ​ដែល​អនុញ្ញាតិ្ត​ឲ្យ​អ្នក​ទាំង​អស់​គ្នា​ដោនឡូត​យក​ទៅ​ប្រើ​ហ្វ្រីៗ​មិន​គិត​លុយ​ទេ។ ជាង​នេះ​ទៀត វា​មិន​ត្រូវការ License ឬ Crack Version នោះ​ទេ ដោនឡូត​ហើយ​ប្រើ​បាន​តែ​ម្ដង ដែល​ខុស​ពី Word ត្រូវ​​​ការ License និង​ចាំបាច់​ត្រូវ​តែ Crack បើ​គ្មាន License​។ ចុច​ដោនឡូត នៅទីនេះ

៤/ ចំណុច​​គួរដឹង

តាម​រយៈ​ការ​ប្រៀបធៀប​​ចំណុច​ល្អៗ​របស់​ Open Office មិន​មែន​មាន​ន័យ​ថា ​កម្មវិធី Microsoft Word មិន​ល្អ​នោះ​ទេ ប៉ុន្តែ​តាម​ការ​សង្កេត​​ឃើញ​អត្ថបទ​​សាធារណៈ​ខ្លះ រួម​ទាំង​សំណេរ​អត្ថបទជាពិសេស​ការ​សរសេរ​ជា​ភាសា​ខ្មែរ​តែង​តែ​មាន​កំហុស​អក្ខរាវិរុទ្ធ​​។ ដូច​នេះ​​​រាល់​ពេល​វាយ​អត្ថបទ បើ​​វាយ​​ជាមួយ​​​កម្មវិធី​​មួយ​​ដែល​​អាច​ជួយ​អ្នក​មិន​ឲ្យ​​មាន​កំហុស​​ដោយ​​អចេតនា​បែប​នេះ​ហើយ ចាំ​កាល​ទៀត៕


អត្ថបទ៖ រក្សា