រាំអ៊ីចេះៗ របស់ ព្រាប សុវត្ថិ និង ឱក សុគន្ធកញ្ញា ធ្វើឲ្យកក្រើកពេញកំពង់ចាម

2017-03-20 12:00:26
ចំនួនមតិ 0 | ចំនួនចែករំលែក 0

ចន្លោះមិនឃើញ

ពូលតារាចម្រៀង ព្រាប សុវត្ថិ និង ឱក សុគន្ធកញ្ញា រួមគ្នាអង្រួនឆាកតន្ត្រី Eragold Concert 2017 យ៉ាងកក្រើកខេត្តកំពង់ចាម តាមរយៈបទចម្រៀងពេញនិយមជាច្រើនបទ ជាពិសេសបទ រាំអ៊ីចេះ ខណៈមានទស្សនិជនចូលរួមទស្សនាផ្ទាល់រាប់ពាន់នាក់។

Eragold Concert 2017 មកដល់ទីរួមខេត្តកំពង់ចាម កាលពីថ្ងៃសៅរ៍ ទី១៨ សប្ដាហ៍មុននេះ ជាមួយកំពូលតារាចម្រៀងច្រើនរូប ដូចជា ព្រាប សុវត្ថិ, ឱក សុគន្ធកញ្ញា, ណុប បាយ៉ារិទ្ធ, នី រតនា, សុខ សីឡាលីន និង បាច គីមមួយ ហើយការប្រគំតន្ត្រីនេះក៏មានផ្សាយផ្ទាល់លើកញ្ចក់ទូរទស្សន៍ហង្សមាស HDTV និងផេកហ្វេសប៊ុកផ្លូវការ Eragold Singapore ។

បទកន្ត្រាក់អារម្មណ៍ជាច្រើនបទ អមដោយក្បាច់រាំជក់ចិត្ត ដែលធ្វើឲ្យទស្សនិកជនទាំងអស់រំភើបរីករាយ និងហ៊ោកញ្ជ្រៀវនៅមុខសាលាគរុកោសល្យ ខេត្តកំពង់ចាម ។ អ្នកទស្សនាផ្ទាល់យ៉ាងកុះករ ក៏បានចូលរួមទស្សនាស្តង់លក់ផលិតផល ហើយចាប់ចិត្តជាមួយរសជាតិស្រស់ថ្លារបស់ទឹកសណ្តែកធម្មជាតិ Eragold ព្រមទាំងចូលរួមថតរូប ការទទួលបានរង្វាន់ភ្លាម និងជាពិសេសការទទួលបានឱកាសសម្រាប់រង្វាន់ធំ គឺម៉ូតូ Honda Dream 2017 ១ គ្រឿង ទូរទស្សន៍ LED 32 អ៊ីញ ៥ គ្រឿង និងរង្វាន់ជាច្រើនទៀត ដែលផ្តល់ជូនផ្ទាល់នៅរាល់ទីតាំងនៃការប្រគំតន្ត្រី។ អ្នកអាចទស្សនាកម្មវីធីផ្សាយផ្ទាល់ និងទទួលព័ត៌មានបន្ថែមតាមផេកហ្វេសប៊ុក Eragold Sigapore ។

Eragold Concert 2017 នឹងមានវត្តមាននៅក្រុងព្រះសីហនុ ឆ្នេរអូរឈើទាល នៅថ្ងៃទី២៥ មីនា នេះ និងបន្តទៅខេត្តសៀមរាប និងក្រុងតាខ្មៅ។ កុំភ្លេចចូលរួមទស្សនា និងទទួលយករសជាតិស្រស់ថ្លាពីទឹកសណ្តែកធម្មជាតិ Eragold ៕