អ្នកលេងអ៊ីនធឺណិត ផ្ទុះការភ្ញាក់ផ្អើលខ្លាំង ក្រោយឃើញសត្វមាន់ដ៏ធំសម្បើមនេះ

2017-03-21 01:05:02
ចំនួនមតិ 0 | ចំនួនចែករំលែក 0

ចន្លោះមិនឃើញ

សត្វមាន់ដ៏ធំសម្បើមមួយក្បាល បានធ្វើឲ្យអ្នកនិយមប្រើប្រាស់អ៊ីនធឺណិត ផ្ទុះការភ្ញាក់ផ្អើលយ៉ាងខ្លាំង បូករួមទាំងការយល់ច្រឡំ និងភ័យខ្លាចបន្តិចបន្តួចផងដែរ។

វីដេអូឃ្លិបនៃសត្វមាន់ដ៏ធំសម្បើមនេះ ត្រូវបានបង្ហោះដំបូង នៅលើបណ្ដាញសង្គមហ្វេសប៊ុក កាលពីថ្ងៃទី១៧ ទទួលបានចំនួនមើល រហូតដល់ទៅ ៨១លានដង ដោយបង្ហាញឲ្យឃើញសត្វមាន់មួយក្បាលនោះ ដើរចេញពីទ្រុងតូចមួយ។ ជាមួយនឹងក្រញាំជើង និងស្លាបដ៏ធំសម្បើមរបស់វា ធ្វើឲ្យវាមើលទៅហាក់បីដូចមិនមែនជាសត្វមាន់ (ដូច ដាយណូស័រ ប្រភេទ T-Rex)។

គួរបញ្ជាក់ថា សត្វមាន់មួយក្បាលនោះ គឺជាមាន់ពូជ Brahma មានឈ្មោះថា Merakli ដែលមានម្ចាស់ឈ្មោះ Fitim Sejfijaj មកពីប្រទេស Kosovo។ ខណៈពេលដែលសត្វមាន់ធម្មតា ជាមធ្យមអាចមានទម្ងន់ ០,៦គីឡូក្រាម ដល់ ៣,៦គីឡូក្រាម សត្វមាន់ប្រភេទ Brahma ឈ្មោលមួយក្បាល អាចមានទម្ងន់រហូតដល់ទៅ ៨គីឡូក្រាមឯណោះ៕

សូមទស្សនាវីដេអូខាងក្រោម៖

ប្រភព៖ Dailymail ប្រែសម្រួល៖ សេង ឡុង