ប្លែក! តារាម៉ូដែល ៨នាក់ដែលមានពណ៌ស្បែកប្លែកពីគេដាច់
- 2017-03-21 01:50:18
- ចំនួនមតិ 0 | ចំនួនចែករំលែក 0
ប្លែក! តារាម៉ូដែល ៨នាក់ដែលមានពណ៌ស្បែកប្លែកពីគេដាច់
ចន្លោះមិនឃើញ
គ្រប់គ្នាកើតមកសុទ្ធតែមានភាពទាក់ទាញរៀងៗខ្លួន មិនថាខ្មៅ ស ឫមានរូបរាងយ៉ាងណាឡើយ។ តួយ៉ាងដូចជាតារាទាំង ៨រូបខាងក្រោម ពួកគេកើតមក ត្បិតតែមានលក្ខណៈមិនអំណោយផលដូចមនុស្សទូទៅ ប៉ុន្តែភាពខុសគេ បូករួមនឹងសមត្ថភាពរបស់តារាទាំងនោះបានធ្វើឲ្យពួកគេក្លាយជាតារាល្បី ត្រូវបានគេស្គាល់ច្រើនដែរ។
១. Connie Chiu
តារាម៉ូដែល Connie Chiu កើតក្នុងទីក្រុង ហុងកុង ជាកូនទី៤ក្នុងគ្រួសារជនជាតិចិន។ ក្នុងចំណោមបងប្អូន មានតែនាងទេដែលកើតមកមានលក្ខណៈភឿក។ នាង និងក្រុមគ្រួសារ បានប្ដូរទៅរស់នៅប្រទេសស៊ុយអែត ជាកន្លែងដែលនាងធំដឹងក្ដី និងបានសិក្សាផ្នែកសិល្បៈ និងជំនាញសារព័ត៌មាន។ ពេលមានអាយុ ២៤ឆ្នាំ នាង បានចាប់អាជីពជាតារាម៉ូដែល ហើយសព្វថ្ងៃក៏ជាអ្នកចម្រៀង Jazz ផងដែរ។
២. Nikia Phoenix
Nikia Phoenix ជាតារាម៉ូដែលអាមេរិកម្នាក់ដែលមានភាពលេចធ្លោ ដោយសារស្បែកសម្បុរស្រអែម ជាមួយសក់ធម្មជាតិ និងស្នាមអាចម៍រុយលើមុខ និងជុំវិញរាងកាយ។ សព្វថ្ងៃនាងក៏បានចេញមុខជាសាធារណៈក្នុងការថតពាណិជ្ជកម្មរបស់ Coca-Cola និង Target ទៀតផង។
៣. Stephen Thompson
បុរសជនជាតិអាមេរិករូបនេះ មិនដែលស្រម៉ៃថាចង់ក្លាយជាតារាម៉ូដែលទេ ប៉ុន្តែថ្ងៃមួយ លោកបានជួបនឹងជាងថតរូបម្នាក់ និងបានធ្វើឲ្យជាងថតរូបនោះ ចាប់អារម្មណ៍លក្ខណៈសម្បត្តិរបស់លោក។ ដំបូងលោកថតរូបតែ២-៣ សន្លឹកប៉ុណ្ណោះឲ្យទស្សនាវដ្ដី តែអ្វីដែលមិនគួរឲ្យជឿគឺថា លោកត្រូវមហាជនចាប់អារម្មណ៍ខ្លាំងមែនទែន។ ក្នុងឆ្នាំ ២០១១ បុរសភឿករូបសង្ហាម្នាក់នេះបានក្លាយជាអ្នកតំណាងឲ្យក្រុមហ៊ុន Givenchy fashion house ថែមទៀតផង។
៤. Winnie Harlow
រូបរាងខុសប្រក្រតីរបស់ Winnie (ជំងឺកើតភ្លឺ) បានធ្វើឲ្យអ្នកផលិតកម្មវិធីទូរទស្សន៍ Tyra Banks មានការចាប់អារម្មណ៍ជាខ្លាំង ក៏បានអញ្ជើញនាងចូលក្នុងកម្មវិធី America’s Next Top Model ដែលក្នុងកម្មវិធីនេះនាងបានទទួលតំណែងទី៥។
៥. Ava Clarke
ក្មេងស្រីដែលមានជំងឺភឿក ជនជាតិអាហ្វ្រិក-អាមេរិករូបនេះ មានសក់ពណ៌ទង់ដែង ប្រស្រីភ្នែកពណ៌បៃតងខៀវ និងមានបបូរមាត់ពណ៌ផ្កាឈូក គួរឲ្យស្រលាញ់។ ទោះបីជានាងមើលមិនឃើញ និងមានស្បែកលក្ខណៈមិនប្រក្រតី តែនាងត្រូវបានគេ អញ្ជើញថតទស្សនាវដ្ដី Fashion ជាច្រើន។
៥. Khoudia Diop
យុវតី១៩ឆ្នាំរូបនេះ បានក្លាយជាតារាបង្ហាញម៉ូដ ដោយសាររូបរាងរបស់នាងបានធ្វើឲ្យមានការចាប់អារម្មណ៍ខ្លាំង ដល់ថ្នាក់នៅលើ Instagram របស់តារាម៉ូដែលមួយនេះ មានអ្នកតាមដាន (Follower) រហូតដល់ទៅ ២៣៥ ០០០ នាក់ ។ បើទោះបីជានាងមានស្បែកខ្មៅខុសពីមនុស្សទូទៅ តែនាងសប្បាយចិត្តនឹងអ្វីដែលនាងមាន។
៧. Anastasia Zhidkova
តារាម៉ូដែលរូបនេះត្រូវបានគេស្គាល់ថាជានារីម្នាក់ដែលមានស្បែកភឿក ស្អាតជាងគេក្នុងលោក។ នាងកើតក្នុងឆ្នាំ ១៩៩៦ នៅប្រទេសរុស្ស៊ី។ ក្រៅពីអាជីពជាតារាម៉ូដែល នាងក៏ជាតារាចម្រៀងម្នាក់ផងដែរ។
៨. Lola Chuil
នៅលើ Instagram របស់តារាម៉ូដែលរូបនេះមានអ្នកតាមដានជាង ៤៦៤ ០០០នាក់។ នារីវ័យក្មេងរូបនេះកើតនៅទីក្រុង Los Angeles ហើយអាចនិយាយបាន៨ភាសា។ នាងមានលក្ខណៈពិសេសខុសគេ ត្រង់ថានាងមានស្បែកខ្មៅ តែបបូរមាត់របស់នាងមានពណ៌ផ្កាឈូក គួរឲ្យចង់គយគន់ណាស់៕