Griezmann បង្ហើបចង់លេងឲ្យក្រុម Real Madrid ឬ Barcelona
- 2017-03-21 02:59:44
- ចំនួនមតិ 0 | ចំនួនចែករំលែក 0
Griezmann បង្ហើបចង់លេងឲ្យក្រុម Real Madrid ឬ Barcelona
ចន្លោះមិនឃើញ
Antoine Griezmann ខ្សែបម្រើប្រយុទ្ធឆ្នើមក្រុម Atletico Madrid បានបង្ហើបថា ខ្លួនអាចនឹងផ្ទេរទៅលេងឲ្យក្រុម Real Madrid, Barcelona ឬ Bayern Munich នាពេលអនាគត ប៉ុន្តែមិនមែនឆាប់ៗនេះទេ។
កីឡាករជម្រើសជាតិបារាំង ធ្លាប់មានពាក្យចចាមអារ៉ាមជាច្រើនថា រូបគេអាចនឹងចាកចេញពីក្លឹប Atletico នៅចប់រដូវកាលនេះ ខណៈដែលក្លឹប Manchester United ហាក់ចង់បានខ្លាំង ដោយគ្រោងចំណាយលុយធំទៀតផង។ យ៉ាងណាក្ដី ក្លឹប Man Utd អាចមិនមែនជាក្លឹបក្តីស្រមៃរបស់ Griezmann នោះទេ ព្រោះកីឡាករវ័យ២៥ឆ្នាំរូបនេះ ចង់លេងឲ្យក្លឹបធំៗបំផុតដូចជា Real, Barca ឬ Bayern។
“តើខ្ញុំអាចទៅលេងឲ្យក្រុម Real Madrid ឬ Barcelona នាពេលអនាគត? ហេតុអ្វីមិនអាច។ វាជាក្តីស្រមៃរបស់កីឡាករគ្រប់រូប ដែលបានលេងឲ្យក្លឹបធំដូចជាក្លឹប២នេះ ឬ Bayern Munich។ ប៉ុន្តែខ្ញុំអាចទៅ Barca ឬ Real ឬក៏ក្លឹបណាផ្សេងពេលនេះទេ។ ខ្ញុំរីករាយ ដែលបានលេងឲ្យ Atletico ពេលនេះ”។ Greizmann បានប្រាប់ដល់ Marca៕