មុននេះបន្តិច គ្រូកម្ពុជាថ្មីថា នឹងបង្ហាញលក្ខណៈពិសេសមួយពេលប៉ះឥណ្ឌាស្អែក
- 2017-03-21 04:25:14
- ចំនួនមតិ 0 | ចំនួនចែករំលែក 0
មុននេះបន្តិច គ្រូកម្ពុជាថ្មីថា នឹងបង្ហាញលក្ខណៈពិសេសមួយពេលប៉ះឥណ្ឌាស្អែក
ចន្លោះមិនឃើញ
លោក Leonardo Vitorino គ្រូបង្វឹកក្រុមជម្រើសជាតិកម្ពុជាបាននិយាយក្នុងសន្និសីទសារព័ត៌មានមុននេះបន្តិចថា ក្រុមបាល់ទាត់ជម្រើសជាតិកម្ពុជានឹងបង្ហាញលក្ខណៈពិសេសប្លែកឲ្យបងប្អូនអ្នកគាំទ្របានឃើញ នៅពេលកម្ពុជាទទួលស្វាគមន៍ក្រុមជម្រើសជាតិឥណ្ឌាក្នុងការប្រកួតមិត្តភាពអន្តរជាតិ CLEAR វេលាម៉ោង៦:៣០ល្ងាចស្អែក។
លោកគ្រូបង្វឹកសញ្ជាតិប្រេស៊ីលនិយាយថា ថ្ងៃស្អែកជាការចាប់ផ្តើមថ្មីមួយសម្រាប់ក្រុមបាល់ទាត់ជម្រើសជាតិកម្ពុជាដែលស្ថិតក្រោមការដឹកនាំរបស់លោក ដូច្នេះក្រុមរបស់លោកនឹងបង្ហាញនូវលក្ខណៈពិសេសប្លែកមួយដែលជាពេលវេលាចាប់ផ្តើមផ្លាស់ប្តូរ។ លោកជឿជាក់លើកីឡាករកម្ពុជាទាំងអស់ថា នឹងធ្វើបានល្អ ហើយនឹងបង្ហាញឲ្យអ្នកគាំទ្របានឃើញ។ ក្រុមរបស់លោករីករាយដែលបានជួបប្រកួតនឹងក្រុមជម្រើសជាតិខ្លាំងៗ ដូចជាក្រុមឥណ្ឌាជាដើមដើម្បីពង្រឹងខ្លួនកាន់តែខ្លាំង។
លោក Leonardo Vitorino ទើបត្រូវបានតែងតាំងជាគ្រូបង្វឹកជម្រើសជាតិកម្ពុជាកាលពីថ្ងៃទី២ ខែមីនា កន្លងទៅនេះ បន្ទាប់ពីគ្រូបង្វឹកចាស់ Lee Tae Hoon ផុតកុងត្រា។ លោកបានប្រមូលផ្តុំក្រុមជម្រើសជាតិក្នុងរយៈពេលខ្លីតែប៉ុណ្ណោះដើម្បីត្រៀមខ្លួនទទួលក្រុមជម្រើសជាតិឥណ្ឌាវេលាម៉ោង៦:៣០នាទីល្ងាចថ្ងៃទី២២ ខែមីនាស្អែកនេះ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
