រុស្សីលេងមែនទែន បញ្ចេញរថក្រោះបើកស្វ័យប្រវត្តិ សព្វាវុធទំនើបៗសម្ញែងអាមេរិកនិងណាតូ
- 2017-03-21 07:52:56
- ចំនួនមតិ 0 | ចំនួនចែករំលែក 0
រុស្សីលេងមែនទែន បញ្ចេញរថក្រោះបើកស្វ័យប្រវត្តិ សព្វាវុធទំនើបៗសម្ញែងអាមេរិកនិងណាតូ
ចន្លោះមិនឃើញ
មហាអំណាចសេដ្ឋកិច្ច យោធា និងជាបិតាលទ្ធិកុម្មុយនិស្ត រុស្សី ទើបបញ្ចេញគ្រឿងសព្វាវុធធុនធ្ងន់ជាច្រើនដែលធ្វើឲ្យអាមេរិក ក៏ដូចជាអង្គការណាតូកើតក្ដីបារម្មណ៍។ សព្វាវុធទាំងនោះមានដូចជា ៖
T-14 Armata មានសមត្ថភាពបាញ់គ្រាប់ទំហំ ១២៥ មិល្លីម៉ែត្រ ១០ ទៅ ១៥ គ្រាប់ក្នុងមួយនាទី ហើយបំពាក់បច្ចេកវិទ្យាខ្ពស់ជាងរថក្រោះរបស់អង្គការណាតូ។
T-14's អាចបើកបរ និងបាញ់ដោយស្វ័យប្រវត្តិ ឬបញ្ជាពីចម្ងាយ ហើយរថក្រោះប្រភេទនេះសម្រាប់អមដំណើរ T-14 Armata។ កាន់តែពិសេសវាមានសមត្ថភាពខ្ពស់ជាង M1 Abrams ដែលជាកំពូលរថក្រោះរបស់អាមេរិក។
Sukhoi PAK FA ឬ T 50 អាចហោះហើរជាមួយល្បឿន ២ ៤៤០ គីឡូម៉ែត្រក្នុងមួយម៉ោង មានតម្លៃចន្លោះពី ៥០ ដល់ ១០០ លានដុល្លារក្នុងមួយគ្រឿង។ ផលិតពិសេសសម្រាប់បាញ់មីស៊ីលចម្ងាយឆ្ងាយ ក៏ដូចជាការវាយប្រហារទ្រង់ទ្រាយធំ។
Su-35S អាចហោះហើរ ២ ៧៧៧ គីឡូម៉ែត្រក្នុងមួយម៉ោង មានសមត្ថភាពផ្ទុកគ្រាប់មីស៊ីល និងគ្រាប់បែកច្រើនប្រភេទ និងសម្រាប់អមជាមួយ T-50។
RS-24 Yars ជាមីស៊ីលរយៈចម្ងាយឆ្ងាយ ដែលបាញ់បានចន្លោះពី ២ ពាន់គីឡូម៉ែត្រ ដល់ជាង ១ ម៉ឺនគីឡូម៉ែត្រ ហើយអាចផ្ទុកក្បាលគ្រាប់នុយក្លេអ៊ែរទម្ងន់ពី ១៥០ ទៅ ២៥០ គីឡូតោន។
Alexander Nevsky នាវាមុជទឹកដំណើរការដោយថាមពលនុយក្លេអ៊ែរ និងមានផ្ទុកមីស៊ីលប្រភេទ RSM-56 Bulava ១៦ គ្រាប់ ដែលមានសមត្ថភាពបាញ់បានចម្ងាយ ៨ ០០០ គីឡូម៉ែត្រ។
Mil Mi-28NM ហោះក្នុងល្បឿន ៦០០ គីឡូម៉ែត្រក្នុងមួយម៉ោង មានបំពាក់កាណុង Shipunov 2A42 បាញ់គ្រាប់ ៣០ មិល្លីម៉ែត្រ ៨០០ គ្រាប់ក្នុងមួយនាទីហើយត្រូវគោលដៅចម្ងាយចន្លោះពី ១ ៥០០ ទៅ ៤ ០០០ ម៉ែត្រ។ ភ្ជាប់ជាមួយមីស៊ីលប្រឆាំងរថក្រោះ Ataka ៨ ដើម និងប្រភេទ S8 ២០ ដើម៕