KDO មិនអន់ចិត្តទោះ Fan មិនដឹងថាខ្លួនជាម្ចាស់បទ "ដឹងទេថានឹក"(វីដេអូ)

2017-03-21 23:57:00
ចំនួនមតិ 0 | ចំនួនចែករំលែក 0

ចន្លោះមិនឃើញ

P-Sand ជាឈ្មោះក្រុមតន្ត្រី ដែលកំពុងពេញនិយមនាពេលបច្ចុប្បន្ន ។ "ដឹងទេថានឹក" ជាបទចុងក្រោយ និងទទួលបានការគាំទ្រខ្លាំង ប៉ុន្តែហាក់ដូចជាមានការយល់ច្រឡំបន្តិចបន្តួចទៅលើអ្នកច្រៀងបទនេះ ។

តាមពិតបទនេះត្រូវបានច្រៀង និងផលិតដោយសមាជិកម្នាក់របស់ក្រុម P-Sand ឈ្មោះ KDO ប៉ុន្តែត្រូវបានគេគិតថាច្រៀង ដោយ Sand ទៅវិញ។

KDO ថា៖ "ជារឿងធម្មតាទេដែលគេយល់ច្រឡំព្រោះបទនេះខ្ញុំផលិតឡើងសម្រាប់ក្រុម P-Sand ហើយកាលពេលខ្ញុំបង្ហោះលើយូធូបគឺដាក់រូបក្រុម បន្ទាប់មកមាន Channel ខ្លះគេយកទៅផូស ហើយដាក់រូបបង Sand ទើបមានការយល់ច្រឡំបែបនេះ"។

អ្នកលេងហ្គីតាប្រចាំក្រុមរូបនេះបន្តថា លោកមិនមានការអាក់អន់ស្រពន់ចិត្តទេ ត្បិតអីនេះជាការងារក្រុមហើយតទៅប្រិយមិត្តគង់តែបានដឹងដូចតែគ្នា។ "អូហ៍...យូរទៅគេគង់តែដឹងទេ ព្រោះយើងមិនចេញតែប៉ុណ្ណឹងទេ យើងនឹងចេញ MV ទៀត ដល់ពេលហ្នឹងបងប្អូននឹងស្គាល់ថាអ្នកណាជាអ្នកច្រៀងពិតប្រាកដ"។ ម្ចាស់បទខាងលើបន្ថែម។

ក្រៅពីនេះ លោកបញ្ជាក់ថាតទៅលោកប្រហែលជាមិនច្រៀងក្នុងក្រុមទៀតទេ ព្រោះថាបើចេញញឹកពេកអាច នឹងធ្វើឲ្យបងប្អូនយល់ច្រឡំថា P-Sand មានអ្នកចម្រៀងច្រើន។ ជាក់ស្ដែងរូបលោកគឺជាអ្នកលេងហ្គីតា ហើយ Sand ដែលត្រូវបានអ្នកគាំទ្រហៅថា P-Sand ទើបជាអ្នកចម្រៀងក្នុងក្រុម។