ក្រសួងប្រៃសណីយ៍ចេញមុខបដិសេធ ការបញ្ឈប់គម្រោងប្តូរលុយក្រុមហ៊ុនទូរសព្ទ
- 2017-03-21 12:36:14
- ចំនួនមតិ 0 | ចំនួនចែករំលែក 0
ក្រសួងប្រៃសណីយ៍ចេញមុខបដិសេធ ការបញ្ឈប់គម្រោងប្តូរលុយក្រុមហ៊ុនទូរសព្ទ
ចន្លោះមិនឃើញ
ក្រសួងប្រៃសណីយ៍និងទូរគមនាគមន៍បានបញ្ជាក់ជាថ្មីថា ក្រសួងពុំបានបញ្ជាឲ្យក្រុមហ៊ុនទូរសព្ទបញ្ឈប់ "គម្រោងប្តូរលុយ" ដូចបណ្ដាញសារព័ត៌មានមួយចំនួនបានចុះផ្សាយនោះទេ។ នេះបើយោងតាមការផ្សាយរបស់វិទ្យុវាយោ FM ដែលបានសម្ភាសន៍អ្នកនាំពាក្យនិយតករទូរគមនាគមន៍កម្ពុជានៅរសៀលនេះ បន្ទាប់ពីថ្មីៗនេះមានព័ត៌មានចុះផ្សាយថាក្រសួងបានកំណត់ពេលឲ្យក្រុមហ៊ុនទូរសព្ទទាំងអស់បញ្ឈប់គម្រោងប្តូរលុយត្រឹមចុងខែមីនា ដែលនាំឲ្យមានការមិនសប្បាយចិត្តពីអ្នកប្រើប្រាស់ជាច្រើន។
លោក អឹម វុត្ថា អ្នកនាំពាក្យនិយតករទូរគមនាគមន៍កម្ពុជាឆ្លើយតបការចោទប្រកាន់នេះ។ លោកបានបញ្ជាក់ថា ក្រសួងគ្រាន់តែជាអ្នកសម្របសម្រួលប៉ុណ្ណោះ មិនមានបំណងចង់ជ្រៀតជ្រែកការប្រកួតប្រជែងក្នុងទីផ្សារសេរីនោះទេ។
លោកបានលើកឡើងពីក្រុមហ៊ុនទូរសព្ទចំនួន ២ បានស្នើមកក្រសួងដើម្បីស្វែងរកដំណោះស្រាយ បន្ទាប់ពីមានក្រុមហ៊ុនមួយចំនួនបានបង្កើតកម្មវិធីថែមលុយ ដែលនាំឲ្យប៉ះពាល់ដល់ទីផ្សារប្រកួតប្រជែង។
លោកបញ្ជាក់ថា ដើម្បីកុំឲ្យជម្លោះរីករាលដាល ក្រសួងបានរៀបចំកិច្ចប្រជុំឲ្យក្រុមហ៊ុនទាំងអស់ស្វែងរកការឯកភាពរួម ដោយប្រកាន់គោលការណ៍ប្រកួតប្រជែងដោយស្មោះត្រង់ ដើម្បីធានាប្រយោជន៍អ្នកប្រើប្រាស់និងដែលអាចទទួលបានទាំងអស់គ្នា៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
