ប្រាក់ សុវណ្ណារ៉ា៖ ពានរង្វាន់គ្រូបង្វឹកឆ្នើមជាពានមានន័យបំផុតក្នុងជីវិតលោក
- 2017-03-22 06:31:44
- ចំនួនមតិ 0 | ចំនួនចែករំលែក 0
ប្រាក់ សុវណ្ណារ៉ា៖ ពានរង្វាន់គ្រូបង្វឹកឆ្នើមជាពានមានន័យបំផុតក្នុងជីវិតលោក
ចន្លោះមិនឃើញ
លោក ប្រាក់ សុវណ្ណារ៉ា លើកឡើងថាកម្មវិធីផ្ដល់ពានរង្វាន់សម្រាប់អ្នកកីឡាឆ្នើមនេះជាការលើកទឹកចិត្តកោសកកាយនូវសមិទ្ធផលផ្សេងៗដែលធ្លាប់មាននាពេលកន្លងមក។
អតីតគ្រូបង្វឹកក្រុមបាល់ទាត់ បឹងកេតអង្គរ បានឲ្យដឹងក្រោយឈ្នះពានរង្វាន់កាលពីយប់មិញនៅសណ្ឋាគារណាហ្គាវើលថា លោកពិតជាត្រេកអរនិងមានមោទនភាពដែលបានឈ្នះពានរង្វាន់គ្រូបង្វឹកឆ្នើម។ តាមរយៈកម្មវិធីផ្ដល់ពានរង្វាន់មួយនេះលោកជឿជាក់ថា ពិតជាការជំរុញដល់គ្រប់កីឡាទាំងអស់ឲ្យមានការរីកចម្រើនថែមទៀត ហើយចំពោះកីឡាករ កីឡាការិនីនិងគ្រូបង្វឹកផ្សេងៗទៀតនឹងព្យាយាមខំប្រឹងប្រែងបង្កើតស្នាដៃល្អៗជាបន្តបន្ទាប់ទៀត។
គ្រូបង្វឹករូបនេះបន្ថែមទៀតថា លោកពេញចិត្តនិងកម្មវិធីមួយនេះណាស់ ព្រោះជាកម្មវិធីដែលបានកោសកកាយនូវសមិទ្ធផលក៏ដូចជាស្នាដៃ ដែលអតីតកីឡាករ កីឡាការិនីជើងចាស់បានបង្កើតនាពេលកន្លងមក ឲ្យអ្នកជំនាន់ក្រោយបានដឹង និងជាការដឹងគុណនូវអ្វីដែលពួកគេបានធ្វើផងដែរ។
លោក ប្រាក់ សុវណ្ណារ៉ា ជាអតីតគ្រូបង្វឹកក្រុមបឹងកេតអង្គរ ហើយកាលពីឆ្នាំ២០១៦ លោកបានជួយឲ្យក្រុមមួននេះឈ្នះពានរង្វាន់លីគកំពូលកម្ពុជា ក្រៅពីនេះទៀតលោកបានដឹកនាំក្រុមបាល់ទាត់ Cambodia All Star ឲ្យឈ្នះ៣ប្រកួតគឺ Buriram United, Muangthong United និងក្រុម Lao All Star៕