ព្រះនាង Kako បុត្រីព្រះអង្គម្ចាស់ជប៉ុន សម្រស់មិនធម្មតា ឯការសិក្សាគួរឲ្យស្ងើច
- 2017-03-22 04:11:53
- ចំនួនមតិ 0 | ចំនួនចែករំលែក 0
ព្រះនាង Kako បុត្រីព្រះអង្គម្ចាស់ជប៉ុន សម្រស់មិនធម្មតា ឯការសិក្សាគួរឲ្យស្ងើច
ចន្លោះមិនឃើញ
ព្រះនាង Kako គឺជាបុត្រីរបស់ព្រះអង្គម្ចាស់ Akishino និងជាចៅស្រីរបស់ព្រះអធិរាជជប៉ុន Akihito។ ឈានចូលព្រះជន្ម ២២ព្រះវស្សា ព្រះនាង Kako បានឆ្លងកាត់ការសិក្សាជាច្រើន ដែលមានទាំងក្នុងប្រទេស និងក្រៅប្រទេស រួមទាំងការយាងចូលរួមវគ្គខ្លីៗជាច្រើនទៀតផង។
ព្រះនាង Kako បានប្រសូតនៅថ្ងៃទី ២៩ ខែធ្នូ ឆ្នាំ១៩៩៤ ក្នុងត្រកូលអធិរាជជប៉ុន ជាបុត្រីទី២។ ព្រះនាង Kako ក៏ជាចៅស្រីដែលមានព្រះជន្មច្រើនបំផុតទី២ របស់ព្រះចៅអធិរាជជប៉ុន Akihito ហើយមនុស្សជាច្រើនបានចាប់អារម្មណ៍ព្រះនាងយ៉ាងខ្លាំង ដោយសារសម្រស់មិនចាញ់តារាឡើយ។
ចំពោះការសិក្សាវិញ នៅខែមេសា ឆ្នាំ២០០១ ព្រះនាង Kako បានចាប់ផ្ដើមចូលរៀនសាលាបឋមសិក្សា Gakushuin ហើយបញ្ចប់កម្រិតនេះ នៅឆ្នាំ២០០៧ ពោលគឺមានរយៈពេល ៦ឆ្នាំដូចកម្មវិធីសិក្សារបស់កម្ពុជាដែរ។ នៅឆ្នាំដដែល បុត្រីព្រះអង្គម្ចាស់ Akishino អង្គនេះ បានបន្តការសិក្សាកម្រិតវិទ្យាល័យនៅសាលា Gakushuin សម្រាប់នារី និងបញ្ចប់ដោយជោគជ័យក្នុងឆ្នាំ២០១២។
ដោយមិនទុកពេលឲ្យទំនេរពីការសិក្សា ព្រះនាង Kako បានចាប់ផ្ដើមចូលរៀនភាសាអង់គ្លេសភ្លាមៗ នៅសាលា Trinity College ប្រទេសអៀរឡង់ ហើយក្នុងឆ្នាំ២០១៣ ព្រះនាងបានចាប់ផ្ដើមសិក្សាថ្នាក់បរិញ្ញាបត្រ នៅសាកលវិទ្យាល័យ Gakushuin។ យ៉ាងណាក្ដី នៅឆ្នាំ២០១៤ ព្រះនាង Kako បានបោះបង់ការសិក្សាជំនាញអប់រំនោះ រួចប្រឡងចូលរៀននៅសាកលវិទ្យាល័យ International Christian University វិញរហូតដល់សព្វថ្ងៃ។ ក្រៅពីនេះ ព្រះនាងក៏បានយាងចូលរួមក្នុងវគ្គខ្លីៗ ព្រមទាំងការស្រាវជ្រាវជាច្រើនទៀតផង។