ដល់ពេល Rihanna បង្ហាញខ្លួនក្នុងរឿងភាគជាលើកដំបូង
- 2017-03-22 09:36:02
- ចំនួនមតិ 0 | ចំនួនចែករំលែក 0
ដល់ពេល Rihanna បង្ហាញខ្លួនក្នុងរឿងភាគជាលើកដំបូង
ចន្លោះមិនឃើញ
Rihanna បានចូលខ្លួនសម្ដែងនៅក្នុងរឿងភាគជាលើកដំបូង សម្រាប់រឿងភាគ Bates Motel ដែលជារឿងភាគដ៏ល្បីមួយនៅសហរដ្ឋអាមេរិក ដោយនាងសម្ដែងជាតួ Marion Crane ដែលទើបនឹងចាក់ផ្សាយកាលពីយប់ថ្ងៃច័ន្ទ។
នាងត្រូវបានសម្ដែងជាតួអង្គសំខាន់ម្នាក់ ដែលជាតួដ៏ល្បីល្បាញនិងធ្លាប់បានសម្ដែងដោយ Janet Leigh កាលពីឆ្នាំ១៩៦០ ពីក្នុងរឿង "វិកលចរិត(Psycho)” របស់លោក Alfred Hitchcock។ តារាវ័យ២៩ឆ្នាំរូបនេះ នឹងសម្ដែងតែ២ភាគតែប៉ុណ្ណោះ ដែលសម្ដែងជាតួអង្គដ៏សំខាន់មួយគឺអ្នកដែលនឹងត្រូវតួឯក Norman Bates សម្លាប់។
ក្នុងរឿងភាគនេះ Rihanna បានបង្ហាញខ្លួនក្នុងឈុតស្រើបស្រាលជាមួយសង្សារក្នុងរឿងរបស់នាង ឈ្មោះ Sam Loomis ដែលសម្ដែងដោយលោកAustin Nichols។ Rihanna បានតែងខ្លួនយ៉ាងស្អាតជាមួយនឹង សក់ខ្លីពណ៌ក្រហមប្រះស្មារបស់នាង។
តារាចម្រៀងដ៏ស្រស់ស្អាតមកពីប្រទេស Barbados រូបនេះ បានជ្រើសរើសឲ្យដើរតួជា Marion ពីព្រោះ អ្នកដឹកនាំថតរឿងភាគនេះ បានដឹងថា Bates Motel គឺជារឿងភាគដែលនាងចូលចិត្តមើល ហើយ បាន សរសេរនិងបង្កើតតួអង្គនេះជាពិសេសសម្រាប់នាងតែម្ដង៕
ប្រភព៖ dailymail