BMW i8 មានតែ ១០ គ្រឿងស្រុកខ្មែរ អ្នកទិញបានមិនធម្មតា
- 2017-03-23 02:38:22
- ចំនួនមតិ 0 | ចំនួនចែករំលែក 0
BMW i8 មានតែ ១០ គ្រឿងស្រុកខ្មែរ អ្នកទិញបានមិនធម្មតា
ចន្លោះមិនឃើញ
BMW i8 តម្លៃខ្ទង់ជាង ១០ ម៉ឺនដុល្លារ ជារថយន្តស្ព័រប្រណិត មានតែប្រហែល ១០ គ្រឿងប៉ុណ្ណោះនៅលើទីផ្សារក្នុងស្រុកបច្ចុប្បន្ន ហើយអ្នកទិញជិះសុទ្ធតែជាមនុស្សចូលចិត្តភាពស៊ីវិល័យខ្លាំង។
អ្នកលក់ក្នុងហាងលក់រថយន្តប្រណិតល្បីឈ្មោះមួយនៅភ្នំពេញ អះអាងរថយន្តស្ព័រម៉ូដែល i8 នេះមួយគ្រឿងថ្លៃប្រហែលជាង ១០ ម៉ឺនដុល្លារ តែទម្រាំលក់ចេញមួយគ្រឿង ក៏មិនងាយប៉ុន្មានដែរ។
ភ្នាក់ងារលក់រូបនេះ ថាមកទល់ឥឡូវ ហាងទើបលក់ i8 នេះបាន ២គ្រឿងប៉ុណ្ណោះ ហើយអ្នកដែលទិញជិះភាគច្រើនជាយុវវ័យចូលចិត្តភាពស៊ីវិល័យ។
លោកថា រថយន្តស្ព័រទំនើបនេះ ធម្មតាពុំមាននៅឃ្លាំងទេ លុះត្រាតែមានភ្ញៀវកុម្ម៉ង់ទិញ ទើបហាងយកមកលក់។
ល្បឿនកុងទ័ររបស់ BMW i8 អាចស្ទុះពី ០ ទៅ ១០០ គ.ម/ម៉ ប្រើពេលតែ ៤,៤ វិនាទីប៉ុណ្ណោះ ខណៈល្បឿនអតិបរមា ២៥០ គ.ម/ម៉។ i8 ស៊ីសាំង ២,១លីត្រក្នុងចម្ងាយផ្លូវ ១០០ គីឡូម៉ែត្រ (ដំណើរការលក្ខណៈ អគ្គិសនីបូកសាំង) និងបញ្ចេញឧស្ម័នកាបូនតែ ៤៩ក្រាមប៉ុណ្ណោះក្នុងមួយគីឡូម៉ែត្រ៕
រូបថត៖ Kimsrun Premium Auto