ប្រពន្ធ៣នាក់ អង្វរឲ្យប្ដីយកប្រពន្ធ២ទៀត ព្រោះហេតុផលម្យ៉ាង

2017-03-23 03:37:24
ចំនួនមតិ 0 | ចំនួនចែករំលែក 0

ចន្លោះមិនឃើញ

គ្រួសារមួយរស់នៅរដ្ឋ Utah សហរដ្ឋអាមេរិក ត្រូវគេមើលឃើញថាប្ដីមួយមានប្រពន្ធដល់ទៅ ៣នាក់ តែអ្វីដែលធ្វើឲ្យគេកាន់តែមិននឹកស្មាន គឺប្រពន្ធទាំងនោះបានអង្វរប្ដីឲ្យយកប្រពន្ធ ២នាក់បន្ថែមទៀត។

អ្នកស្រី Catrina Foster អាយុ ៣៧ឆ្នាំ ជាប្រពន្ធទីមួយរៀបរាប់ថា "វាដូចជារឿងនិទានអីចឹងដែលប្ដីមានប្រពន្ធច្រើន តែយើងសប្បាយរីករាយ។" អ្នកស្រីបន្តថាភាពរីករាយក្នុងរង្វង់គ្រួសាររបស់គាត់កើតមានច្រើនឡើង នៅពេលប្ដីរបស់គាត់មានប្រពន្ធម្នាក់ទៀត គឺអ្នកស្រី Lillian។" ការយកប្រពន្ធទី២នេះ គឺអ្នកស្រី Catrina ស្នើឲ្យប្ដីយក មិនមែនជាការលួចលាក់អ្វីឡើយ។

អ្នកស្រីបង្ហើបថាសម្រាប់ស្ត្រីទូទៅ ការណែនាំឲ្យប្ដីយកប្រពន្ធម្នាក់ទៀតមកនៅស្នាក់នៅផ្ទះជាមួយគ្នា គឺជារឿងមិនអាចទៅរួច តែអ្នកស្រីធ្វើបាន។ ជាធម្មតា អ្នករស់នៅសហគមន៍ Rockland Ranch នៅភាគខាងកើតរដ្ឋ Utah ភាគច្រើនបុរសម្នាក់មានប្រពន្ធ២ និងកូនច្រើនៗ។

អ្នកស្រី Catrina និងប្ដីលោក Enoch រស់នៅផ្ទះធំមួយជាមួយប្រពន្ធទី២ អ្នកស្រី Lillian និងកូនៗ១៩នាក់ដោយប្រពន្ធទីមួយមានកូន ១១នាក់ និង Lilian កូន ៨នាក់ ហើយគាត់កំពុងពពោះ ៥ខែមួយទៀត។ នៅប៉ុន្មានឆ្នាំមុន បន្ទាប់ពីបើកភ្លើងខៀវពីប្រពន្ធទីមួយ លោក Enoch រកបានប្រពន្ធទី៣ម្នាក់ទៀត គឺនាង Lydia មានអាយុ ២៥ឆ្នាំ។ អ្នកទាំងបីកម្រឈ្លោះទាស់ទែងគ្នាណាស់។

អ្វីមិនគួរឲ្យជឿពេលនេះ គឺប្រពន្ធទាំង ៣នាក់បានអង្វរឲ្យលោក Enoch រកប្រពន្ធ ២នាក់ទៀត ដើម្បីបង្កើនភាពរីករាយ ទោះមានការប្រច័ណ្ឌបន្តិចបន្តួចក្ដី៕