សាហាវហួសថ្លែង! សាលាឯកជននៅឥណ្ឌា ចាប់ឃុំកូនសិស្ស ព្រោះមិនបង់ថ្លៃសិក្សា
- 2017-03-23 07:42:22
- ចំនួនមតិ 0 | ចំនួនចែករំលែក 0
សាហាវហួសថ្លែង! សាលាឯកជននៅឥណ្ឌា ចាប់ឃុំកូនសិស្ស ព្រោះមិនបង់ថ្លៃសិក្សា
ចន្លោះមិនឃើញ
សាលាឯកជនមួយកន្លែងនៅប្រទេសឥណ្ឌា ត្រូវបានគេចោទប្រកាន់ថា បានឃុំឃាំងកូនសិស្ស ចំនួន១៩នាក់ ដែលមិនបានបង់ថ្លៃសិក្សា ទាន់ពេលវេលា។
បើតាមប្រភពព័ត៌មាន បានឲ្យដឹងថា កូនសិស្សសាលាអាយុចន្លោះពី ៥ ដល់ ១៤ឆ្នាំទាំងនោះ ត្រូវបានគេឃុំឃាំង អស់រយៈពេល ២ម៉ោង នៅក្នុងថ្នាក់រៀន នៃសាលា Saritha Vidya Niketan ស្ថិតក្នុងក្រុង Hayathnagar។ មិនតែប៉ុណ្ណោះ សិស្សទាំងនោះត្រូវបានរារាំង មិនឲ្យចូលប្រលងប្រចាំឆ្នាំ ដែលបានធ្វើឡើង កាលពីសប្ដាហ៍មុនទៀតផង។
ក្រុមអាជ្ញាធរត្រូវបានជូនដំណឹងយ៉ាងបន្ទាន់ បន្ទាប់ពីឪពុកម្ដាយរបស់កូនសិស្ស បានដឹងពីការឃុំខ្លួនខុសច្បាប់នោះ។ ជាមួយគ្នានេះដែរ អង្គភាពសារព័ត៌មាន និង ក្រុមសកម្មជនក្នុងស្រុក ក៏បានដឹងលឺអំពីរឿងរ៉ាវនោះផងដែរ។
«សកម្មភាពរបស់សាលារៀននេះ គឺពិតជាការរំលោភបំពានធ្ងន់ធ្ងរ លើសិទ្ធិកុមារ និងជាការបង្ខាំងកុមារខុសច្បាប់»។ នេះបើតាមសម្តី សកម្មជនសិទ្ធិកុមារម្នាក់ ឈ្មោះ Achyuta Rao បានប្រាប់ឲ្យដឹង៕