Zidane ត្រៀមលក់ Isco ក្នុងតម្លៃទាប តែមិនលក់ឲ្យក្រុមមួយដាច់ខាត
- 2017-03-24 03:09:34
- ចំនួនមតិ 0 | ចំនួនចែករំលែក 0
Zidane ត្រៀមលក់ Isco ក្នុងតម្លៃទាប តែមិនលក់ឲ្យក្រុមមួយដាច់ខាត
ចន្លោះមិនឃើញ
ក្លឹប Real Madrid នឹងមិនលក់ខ្សែបម្រើ Isco ទៅឲ្យក្រុមគូប្រជែង FC Barcelona នោះទេ ហើយពួកគេគ្រោងនឹងលក់កីឡាករជម្រើសជាតិអេស្ប៉ាញរូបនេះ ក្នុងតម្លៃត្រឹមតែ១០,៣លានផោនប៉ុណ្ណោះ ទៅឲ្យក្រុមផ្សេង។
សារព័ត៌មានអេស្ប៉ាញ Diario Gol បានឲ្យដឹងថា ក្លឹប Barcelona កំពុងចាប់អារម្មណ៍ Isco យ៉ាងខ្លាំង និងចង់បានកីឡាកររូបនេះទៅកីឡដ្ឋាន Nou Camp ដោយគ្រោងឲ្យតម្លៃ Real Madrid ចំនួន១៧លានផោន។ ប៉ុន្តែសារព័ត៌មាន Diegotorresro បានចុះផ្សាយថា អ្នកចាត់ការ Zinedine Zidane នឹងអនុញ្ញាតឲ្យកីឡាកររូបនេះចាកចេញ ប៉ុន្តែមិនឲ្យទៅក្រុម Barca នោះទេ ហើយគ្រោងលក់ត្រឹមតែ១០,៣លានផោនប៉ុណ្ណោះ ទៅឲ្យក្រុមផ្សេងដែលចង់បាន។
Isco នៅជាប់កុងត្រាជាមួយ Real Madrid ដល់ចប់រដូវកាលក្រោយ ប៉ុន្តែរដូវកាលនេះ កីឡាករវ័យ២៤ឆ្នាំ ពុំសូវមានឱកាសបង្ហាញខ្លួនជម្រើសដំបូងនៅកីឡដ្ឋាន Bernabeu ទេ។ កន្លងមក ធ្លាប់មានក្លឹបអង់គ្លេសជាច្រើនចាប់អារម្មណ៍ ក្នុងនោះមានដូចជាក្រុម Chelsea, Tottenham Hotspur, Arsenal និង Liverpool ជាដើម៕