ក្លឹបអតីតសិស្សវិទ្យាល័យទួលទំពូង បង្កើតកម្មវិធីជួបជុំ អតីតសិស្សទសវត្ស ៨០ មកដល់បច្ចុប្បន្ន
- 2017-03-24 03:09:06
- ចំនួនមតិ 0 | ចំនួនចែករំលែក 0
ក្លឹបអតីតសិស្សវិទ្យាល័យទួលទំពូង បង្កើតកម្មវិធីជួបជុំ អតីតសិស្សទសវត្ស ៨០ មកដល់បច្ចុប្បន្ន
ចន្លោះមិនឃើញ
ក្លឹបអតីតសិស្សវិទ្យាល័យទួលទំពូង ត្រៀមបង្កើតកម្មវិធីជួបជុំប្រចាំឆ្នាំដ៏ធំមួយ ស្ដីពីការជួបជុំអតីតសិស្សវិទ្យាល័យទួលទំពូងតាំងពីជំនាន់ឆ្នាំ ១៩៨០ ដល់២០១៦។ ពិធីនេះត្រៀមធ្វើនៅ សាលសន្និបាត និង ពិព័រណ៍កោះពេជ្រ អាគារ KL ចាប់ពីម៉ោង ៥ ល្ងាចដល់ ១០ យប់ ថ្ងៃទី ០១ មេសា។
ផ្អែកតាមសេចក្ដីប្រកាសព័ត៌មានរបស់ក្លឹបខាងលើបានបញ្ជាក់អំពីគោលបំណងធំ ៣ សម្រាប់ចំព្រឹត្តិការណ៍នេះ គឺ
ទី១ ការជួបជុំគ្នា ប្រចាំឆ្នាំរបស់អតីតសិស្សរបស់វិទ្យាល័យទួលទំពងដែលធ្លាប់បានរៀននៅវិទ្យាល័យទួលទំពូងតាំងពីទសវត្សន៍ឆ្នាំ៨០ ដល់បច្ចុប្បន្ន ដើម្បីរំលឹកអនុស្សាវរីយសប្បាយរីករាយ កម្សត់នៅអំឡុងពេលសិក្សា។
ទី២ គឺចង់ឆ្លៀតយកឱកាសក្នុងការជួបជុំមួយនេះ ដើម្បីរៃអង្គាសថវិកាទ្រទ្រង់ដល់ ការសាងសង់បណ្ណាល័យថ្មីរបស់វិទ្យាល័យទួលទំពូងឈ្មោះថា បណ្ណាល័យ ព្រះកែវមរកត។
ទី៣. គឺចង់រៃអង្គាសថវិកាដើម្បីឧបត្ថម្ភដល់លោកគ្រូអ្នកគ្រូ ចាស់ៗដែលបានចូលនិវត្តន៍។
តាមការគ្រោងទុក ពិធីជួបជុំអតីតសិស្សវិទ្យាល័យទួលទំពូងសម្រាប់ឆ្នាំ២០១៧នេះ រំពឹងថា នឹងមានអ្នកចូលរួម ជាអតីតសិស្សវិទ្យាល័យទួលទំពូង គ្រប់ជំនាន់រហូតដល់១០០០នាក់។
សេចក្ដីប្រកាសព័ត៌មានដដែលបានរៀបរាប់ទៀតថា ការចូលរួមរបស់លោកអ្នក នឹងត្រូវទិញសំបុត្រក្នុងម្នាក់តម្លៃ៣០ដុល្លារ ប៉ុន្តែ លោកអ្នក និងបានជួយមិត្តរួមថ្នាក់ រួមសាលាចាស់ៗ ជាពិសេសលោកគ្រូជាទីគោរពស្រលាញ់របស់ លោកអ្នក។ ការចូលរួមរបស់អតីតនាយក នាយិកា និងលោកគ្រូ-អ្នកគ្រូ មិនតម្រូវអោយមានការ បង់ប្រាក់ទេ ដូចនេះសូមអស់លោក-លោកស្រីមេត្តាផ្សព្វផ្សាយបន្ត និងជាវសំបុត្រចូលរួមពិធីជួបជុំនេះ ទាំងអស់គ្នា ដើម្បីបានឃើញ លោកគ្រូអ្នកគ្រូទាំងអស់បានចូលរួមផងដែរ។
ពិធីជួបជុំអតីតសិស្សវិទ្យាល័យទួលទំពូងប្រចាំឆ្នាំ២០១៧ នេះក៍ទទួលបាននូវការឧបត្ថម្ភធំដោយ ក្រុមហ៊ុន ស្រាបៀរកម្ពុជា រោងភាពយន្ត Major Cineplex by Cellcard ហាងកាហ្វេភ្នំពេញ ក្រុមហ៊ុនទឹកបរិសុទ្ធវីតាល់ និងសហការឧបត្ថម្ភជាព័ត៌មានដោយ កាសែតកោះសន្តិភាព គេហទំព័រ Sabayទស្សនាវដ្តីឡារ៉ែន ព្រមទាំងមានការជួយជ្រោមជ្រែង ពីសំណាក់បណ្ណាល័យបញ្ញវន្តផងដែរ។
សំបុត្រមានលក់នៅវិទ្យាល័យទួលទំពូងផ្ទាល់ជារៀងរាល់ថ្ងៃ ឬទំនាក់ទំនងទិញតាមរយៈទូរសព្ទ លេខ ០១០ ២២១ ០៩៦ ឬ ០៩២ ៤២០ ៦៨៩ ក្រុមយុវជនស្ម័គ្រចិត្ត នឹងដឹកជូនដល់ទីកន្លែង។
ទំនាក់ទំនងដើម្បីឧបត្ថម្ភកម្មវិធី ០៩២ ៤២០ ៦៨៩
សម្រាប់ព័ត៌មានលំអិតស្ដីពីពិធីជួបជុំអតីតសិស្សវិទ្យាល័យទួលទំពូង សូមទំនាក់ទំនងមកក្រុម ការងារតាមរយៈលេខទូរស័ព្ទ៖ ០៩៣ ៦០ ៧០ ៤២ ឬ ០៩៧ ៧៩០ ២៦០០ តាមរយៈអ៊ីម៉េល Email: ttphsalumni@gmail.com