លេចធ្លាយវីដេអូបាញ់សាកល្បងនុយក្លេអ៊ែររបស់អាមេរិក រាប់រយខ្សែ កម្របានឃើញបំផុត
- 2017-03-24 04:11:15
- ចំនួនមតិ 0 | ចំនួនចែករំលែក 0
លេចធ្លាយវីដេអូបាញ់សាកល្បងនុយក្លេអ៊ែររបស់អាមេរិក រាប់រយខ្សែ កម្របានឃើញបំផុត
ចន្លោះមិនឃើញ
នៅចន្លោះឆ្នាំ ១៩៤៥ និង ១៩៦២ សហរដ្ឋអាមេរិក បានធ្វើការបាញ់សាកល្បងគ្រាប់បែកនុយក្លេអ៊ែរ ចំនួន២១០លើក។ ការធ្វើតេស្តទាំងនោះ រដ្ឋាភិបាលបានប្រើម៉ាស៊ីនកាមេរ៉ាច្រើន (ថតកម្រិត 2,400 fames per second) ដើម្បីផ្ដិតយកទិដ្ឋភាពនោះ មកចងក្រងធ្វើជាឯកសារ។
វីដេអូឃ្លិប ជាង៧០០ខ្សែ ត្រូវបានប្រកាសជាសាធារណៈ និងកំពុងបង្ហោះទៅលើគេហទំព័រ YouTube ដោយមន្ទីរពិសោធន៍ Lawrence Livermore National Laboratory of Livermore នៃរដ្ឋ California ដែលជាអ្នកធ្វើតេស្តនុយក្លេអ៊ែរទាំងនោះ។
ក្រុមអ្នកស្រាវជ្រាវ និងជំនាញភាពយន្ត កំពុងតែធ្វើការលើវីដេអូឃ្លិប ប្រមាណជា ១០ ០០០ខ្សែ ដែលគេបានចាត់ថ្នាក់ និងរក្សាទុកនៅទូទាំងប្រទេស នៅក្នុងទូដែកដែលមានសុវត្ថិភាពខ្ពស់។ រហូតមកទល់ពេលនេះ វីដេអូចំនួន៦ ០០០ខ្សែ ត្រូវបានគេរកឃើញ ៤ ០០០ខ្សែ ត្រូវបានគេស្កេនរួចរាល់ និង ៧៥០ខ្សែផ្សេងទៀត ត្រូវបានប្រកាសជាសាធារណៈ។
បច្ចុប្បន្ននេះ វីដេអូបំផ្ទុះគ្រាប់បែកនុយក្លេអ៊ែរ ជិត១០០ខ្សែ អាចរកមើលបានតាមរយៈ គណនី YouTube របស់មន្ទីរពិសោធន៍ Livermore ខាងលើ៕
សូមទស្សនាវីដេអូខាងក្រោមទាំងអស់គ្នា៖