Cellcard បង្ហាញមុខក្រុមយុវទូតដំបូងបង្អស់របស់ខ្លួនហើយ

2017-03-24 09:05:57
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្ងៃនេះ សែលកាតបានប្រកាសពីគំនិតផ្ដួចផ្ដើមថ្មីបំផុតរបស់ខ្លួនដើម្បីស្វែងយល់ និងផ្សារភ្ជាប់ទំនាក់ទំនងជាមួយយុវជនកម្ពុជាឲ្យកាន់តែប្រសើរឡើងតាមរយ:គម្រោង យុវទូតសែលកាត (Brand Ambassador) ។

យុវទូតរបស់សែលកាតទាំងអស់ នឹងធ្វើការជាមួយក្រុមការងារផ្សព្វផ្សាយនិងទំនាក់ទំនង របស់ ក្រុមហ៊ុន ក្នុង ព្រឹត្តិការណ៏ និងគម្រោងការងារពិសេសៗរបស់សែលកាតដែលផ្ដោតសំខាន់លើយុវជនខ្មែរ។

អ្នកស្រី Cheryl Gray នាយកផ្នែកផ្សព្វផ្សាយនិងទំនាក់ទំនងក្រុមហ៊ុនសែលកាត បានមានប្រសាសន៍ថា ៖ « យុវទូតទាំងប្រាំរូប គឺត្រូវបានជ្រើសរើសយ៉ាងសម្រិតសម្រាំង និងយកចិត្តទុកដាក់បំផុត ដោយសមាជិកក្រុមរបស់យើង » ។

« ក្រុមការងារយើងចាប់ផ្ដើមការជ្រើសរើសដោយមានបេក្ខភាពជាង ២០ រូប ហើយពួកគេត្រូវបានជ្រើសរើសយ៉ាងហ្មត់ចត់ ត្រឹម ៥ រូបនៅជុំចុងក្រោយដោយផ្អែកលើបុគ្គលិកលក្ខណៈ និងសក្ដានុពលរបស់ពួកគេ » ។

លក្ខខណ្ឌក្នុងការវិនិច្ឆ័យចម្បងនៃការជ្រើសរើសមានដូចជា ទំនុកចិត្ត ឆន្ទៈ ជំនាញបច្ចេកវិទ្យាអ៊ីនធើណិតក៏ដូចជាជំនាញប្រាស្រ័យទាក់ទង និងការធ្វើការជាក្រុមនិងជាមួយអ្នកដទៃផងដែរ។

អ្នកស្រី Cheryl Gray បានបន្តទៀតថា « ពួកគេជាអ្នកដែលយល់ច្បាស់ពីយុវជន ដែលពិតជាមានសារៈសំខាន់ណាស់ចំពោះយើង » ។

ទស្សនវិស័យរបស់សែលកាតសម្រាប់អនាគត គឺជាក្រុមហ៊ុនមួយដែលផ្ដល់នូវមធ្យោបាយដែលមានភាពងាយស្រួលក្នុងការប្រើប្រាស់អ៊ីនធើណិតនិងតម្លៃសមរម្យដល់ប្រជាជនទាំងអស់ដែលក្នុងនោះក៏រួមទាំងយុវជនដ៏ច្រើនលើសលប់របស់កម្ពុជាផងដែរ

« មិនថាពួកគេនៅ សិក្សា ឬធ្វើការងារនៅទីណាក៏ដោយ។ កាលណាបណ្ដាញសេវា 4G យើង ត្រូវបានដំឡើងជោគជ័យរួចរាល់ យើងចង់ឃើញយុវជនកាន់តែច្រើនភ្ជាប់ទំនាក់ទំនងជាមួយយើងបានយ៉ាងងាយស្រួល »។

សែលកាត កំពុងតែពង្រីកបណ្ដាញសេវាអ៊ីនធើណិតក្នុងរយៈពេលវិនិយោគប៉ុន្មានឆ្នាំមកនេះក្នុងទឹកប្រាក់ប្រមាណរាប់លានដុល្លារ។

ការដំឡើងបណ្ដាញសេវាអ៊ីនធើណិត គ្រោងនឹងត្រូវបញ្ចប់ក្នុងដំណាច់ខែមេសានេះដែលអាចឲ្យអតិថិជនសែលកាត ប្រើប្រាស់នូវសេវាអ៊ីនធើណិតបានកាន់តែទូលំទូលាយ និងល្បឿនលឿនបំផុតនៅកម្ពុជា។

« យុវជនជាអ្នកទទួលបានផលប្រយោជន៍ចម្បងពីបណ្ដាញអ៊ីនធើណីតរបស់យើង ប៉ុន្តែយើងចង់ឲ្យប្រជាជនកម្ពុជាទាំងមូលអាចភ្ជាប់ទំនាក់ទំនង ខណៈកម្ពុជាយើងកំពុងបន្តដំណើរវិវត្តជាប្រទេសមួយដែលមានសេដ្ឋកិច្ចរីកចម្រើនដ៏ឆាប់រហ័សមួយនៅអាស៊ី » ។

សម្រាប់ព័ត៌មានបន្ថែមជុំវិញគម្រោង យុវទូតសែលកាត សូមចូលទៅទំព័រហ្វេសប៊ុកសែលកាតដែលក្រុមរបស់យើងនឹងធ្វើការណែនាំអំពីយុវទូតម្នាក់ម្ដងៗរាល់ថ្ងៃក្នុងសប្ដាហ៍នេះ ។ www.facebook.com/CellcardFanPage

អត្ថបទ៖ លីដា

ពាក្យទាក់ទង

អត្ថបទពាណិជ្ជកម្ម

អត្ថបទពេញនិយម

ព្យាករណ៍អាកាសធាតុ! ខែក្រោយនេះ កម្ពុជានឹងមានមានភ្លៀងធ្លាក់ហើយ

បើអត្តសញ្ញាណប័ណ្ណ របក ខូច ឬផុតសុពលភាព អាចទៅធ្វើថ្មីនៅទីតាំងមួយនេះបាន

ចូលឆ្នាំខ្មែរបានសប្បាយជួបជុំហើយ បានទាំងរង្វាន់ពីគ្រុឌឈ្នះផ្អើលពេញភូមិ

ដឹងទេ! បច្ចុប្បន្ន កម្ពុជា កំពុងសម្រុកសាងសង់ស្ពានធំៗចំនួន៣

ដឹងការពិត! មនុស្សដំបូងលើករឿង NewJeans ត្រូវគេ Copy Style មិនមែន Min Hee Jin ទេ

ជៀសវាងជួបបញ្ហាដដែរៗ សុរ៉ាវឌ្ឍី បង្ហាញមុខបុគ្គល៥នាក់ ដែលអាចមានសិទ្ធផាត់មុខឱ្យខ្លួន

អត្ថបទថ្មី

រកឃើញចម្លាក់សត្វអណ្តើក ពេលធ្វើកំណាយស្រះទឹក នៅប្រាសាទបាយ័ន

ពូឃ្លាំង តារាចាស់វស្សាកំពូលកូរ ចូលទៅកូរដល់ក្នុងឡានអ្នកឈ្នះរបស់គ្រុឌ

អ្នកបង់លុយជាសាច់ប្រាក់សុទ្ធលើផ្លូវល្បឿនលឿន នឹងត្រូវគិតតម្លៃដើមវិញ ចាប់ពីដើមខែក្រោយ! ចុះអ្នកប្រើ ETC និង ANPR?

មិនសរសើរមិនបាន កូនអាន បោះមេធ្វើវីដេអូ ខ្មែរ Makeup Trend បង្ហាញពីវប្បធម៌ខ្មែរយ៉ាងអស្ចារ្យ

ចៃដន្យមែន! តារាចម្រៀង ២ រូប ដឹកដៃគូស្នេហ៍ចូលរោងការថ្ងៃនេះដូចគ្នា

ដៃធ្ងន់ដូច ធឿន ធារ៉ា អីចឹងធ្វើបានជោគជ័យទេប្រកួត Kick Boxing យប់នេះ