បុរីប៉េងហួតតំណាងឲ្យកម្ពុជាបានពានរង្វាន់អចលនទ្រព្យឆ្នើមប្រចាំឆ្នាំពីទីក្រុងហុងកុង

2017-03-24 09:37:17
ចំនួនមតិ 0 | ចំនួនចែករំលែក 0

ចន្លោះមិនឃើញ

បុរី ប៉េង ហួត ជាបេក្ខភាពតំណាងកម្ពុជា ទទួលបានពានរង្វាន់ជាក្រុមហ៊ុនអចលនទ្រព្យឆ្នើម ២០១៧ ( COMPANY OF THE YEAR) ដែលប្រកួតប្រជែង ជាមួយបណ្ដាប្រទេសជាច្រើន ក្នុងកម្មវិធី IAIR AWARD នៅសណ្ឋាគារ SHERATON ហុងកុង កាលពីថ្ងៃទី១០ មីនា ២០១៧។

នេះជាមោទនភាពរបស់កម្ពុជាដែលទទួលពានរង្វាន់លើឆាកអន្តរជាតិ ធ្វើឲ្យពិភពលោកមើលឃើញកាន់តែច្បាស់ ពីឱកាសវិនិយោគលើវិស័យអចលនទ្រព្យនៅកម្ពុជា ថាកាន់តែមានសន្ទុះរីកចម្រើន។

កម្មវិធីនេះរៀបចំដោយក្រុមហ៊ុន Le Fonty ដែលជាស្ថាប័នស្រាវជ្រាវឯករាជ្យ លើវិស័យសំខាន់ ៗជាច្រើនដូចជា សេដ្ឋកិច្ច បរិស្ថាន ការវិនិយោគ ជំនួញ....ក្នុងនោះក៏មានវិស័យអចលនទ្រព្យផងដែរ។

ការជ្រើសរើសនេះ ធ្វើឡើងតាមរយៈការស្ទាបស្ទង់មតិតាមប្រព័ន្ធអនឡាញ ពីអ្នកចូលរួមប្រមាណ១៥០.០០០ នាក់ និងទទួលព័ត៌មានជាក់ស្ដែងពីបណ្ដាញជុំវិញពិភពលោក ព្រមទាំងការសាកសួរផ្ទាល់លើបុគ្គលសំខាន់ៗ និងក្រុមហ៊ុនដៃគូសហការ។

មួយរយៈចុងក្រោយនេះ វិស័យអចលនទ្រព្យនៅកម្ពុជា ទទួលបានការចាប់អារម្មណ៍ខ្លាំងក្នុងការប្រកួតលើឆាកអន្តរជាតិ ជាក់ស្ដែងកម្មវិធី Property Award របស់ Property Guru ជាដើម ហើយប៉េងហួត បានក្លាយជាក្រុមហ៊ុនដែលទទួលបានពានរង្វាន់ច្រើនជាងគេ ពិសេសពានរង្វាន់ធំប្រចាំឆ្នាំ។

អ្នករៀបចំកម្មវិធី IAIR AWARD បានឲ្យដឹងថា បុរីប៉េងហួត បានទទួលពានរង្វាន់ច្រើនបែបនេះព្រោះ ជាក្រុមហ៊ុនអភិវឌ្ឍឈានមុខក្នុងវិស័យអចលនទ្រព្យនៅកម្ពុជា និងបានផ្ដល់សេវាកម្មតាំងពី ២០០៥ មក។ ពិសេសបានអភិវឌ្ឍគម្រោងលំនៅឋាន និងផលិតផលមានភាពច្នៃប្រឌិត ជាមួយនឹងគុណភាពខ្ពស់ សុវត្ថិភាព សោភ័ណភាព និងបង្កើតទំនាក់ទំនងយូរអង្វែងជាមួយអតិថិជន។