ទិវាមួយម៉ោងសម្រាប់ផែនដី រំខានដោយភ្លៀងក្ដី តែបញ្ជ្រាបអត្ថន័យសំខាន់ដល់សាធារណជន
- 2017-03-26 05:04:52
- ចំនួនមតិ 0 | ចំនួនចែករំលែក 0
ទិវាមួយម៉ោងសម្រាប់ផែនដី រំខានដោយភ្លៀងក្ដី តែបញ្ជ្រាបអត្ថន័យសំខាន់ដល់សាធារណជន
ចន្លោះមិនឃើញ
ទិវាមួយម៉ោងសម្រាប់ភពផែនដី នៅកម្ពុជា ប្រារព្ធឡើងនៅថ្ងៃ ២៥ មីនាម្សិលមិញ នៅក្នុងបរិវេណសួនច្បារវត្តបទុមវតី បានទទួលការចូលរួមជាច្រើនពីសំណាក់សាធារណជន។
ព្រឹត្តិការណ៍ខាងលើក្រោមការរៀបចំរបស់ អង្គការ WWF សហការជាមួយ ក្រសួងបរិស្ថាន ក្រុមប្រឹក្សាយុវជនឯកអគ្គរដ្ឋទូតសហរដ្ឋអាមេរិកប្រចាំនៅកម្ពុជា បានផ្ដោតសំខាន់លើប្រធានបទ "ការប្រើប្រាស់ធនធានធម្មជាតិប្រកបដោយនិរន្តរភាព"។
ជាមួយប្រធានបទខាងលើនោះ បានជំរុញឲ្យកម្មវិធីទិវាមួយម៉ោងសម្រាប់ផែនដី ផ្សព្វផ្សាយលើកទឹកចិត្តដល់សាធារណជនដែលចូលរួម មានទំនួលខុសត្រូវលើការប្រើប្រាស់ធនធានធម្មជាតិ តាមរយៈពាក្យ "ជម្រើសរបស់ខ្ញុំ ដើម្បីបរិស្ថាន"។ ទន្ទឹមនឹងនោះ ព្រឹត្តិការណ៍ខាងលើក៏មាន កម្មវិធីកម្សាន្ត ពីការប្រគំតន្ត្រី សំណួរចម្លើយយករង្វាន់ ដែលសុទ្ធសឹងតែបានបញ្ជ្រាបសំខាន់ៗ ៣ផងដែរ គឺ ទី១ កុំបរិភោគសាច់សត្វព្រៃ ទី២ មិនប្រើប្រាស់ឈើប្រណិត និងទី៣ចូលរួមប្រើប្រាស់ថាមពលដែលកើតឡើងវិញ។
កម្មវិធីខាងលើចូលរួមពីសាធារណជន ប្រព្រឹត្តទៅដោយបរិយាកាសសប្បាយរីករាយ តែយ៉ាងណាមិញ ដោយសារវត្តមានភ្លៀងកក់ខែ កម្មវិធីត្រូវបានផ្អាកផងដែរ ព្រោះមានការរំខានពីភ្លៀង និងខ្យល់ខ្លាំង។
យ៉ាងណាមិញ កម្មវិធីខាងលើបានបញ្ជ្រាបសារសំខាន់ដល់សាធារណជន ដោយការចូលរួមដើម្បីភពផែនដី ពុំមែនតែត្រឹមតែរយៈពេល១ម៉ោង ឬ១ថ្ងៃនោះទេ គឺជាសកម្មភាពចូលរួមប្រចាំថ្ងៃផ្សេងៗ ដែលគ្រប់ៗគ្នាដោយជួយដល់ភពផែនដីដែលយើងរស់នៅ៕