“បច្ចុប្បន្ននេះ Neymar ល្អជាង Ronaldo & Messi ហើយ”
- 2017-03-27 02:42:11
- ចំនួនមតិ 0 | ចំនួនចែករំលែក 0
“បច្ចុប្បន្ននេះ Neymar ល្អជាង Ronaldo & Messi ហើយ”
ចន្លោះមិនឃើញ
Alessandro Costacurta វីរបុរសក្លឹប AC Milan និងជម្រើសជាតិអ៊ីតាលី បានលើកឡើងថា បច្ចុប្បន្ននេះ Neymar គឺជាកំពូលកីឡាករល្អបំផុតលើពិភពលោក និងល្អជាង Cristiano Ronaldo របស់ក្រុម Real Madrid និងមិត្តរួមក្រុម Barcelona របស់គេ Lionel Messi ទៅទៀត។
អតីតខ្សែការពារ ដែលធ្លាប់ឈ្នះ UEFA Champoins Leauge ៥សម័យកាលជាមួយ AC Milan រូបនេះ បានប្រាប់ដល់ Sky Italia ថា៖ "ប្រាកដណាស់ ពេលនេះខ្ញុំជឿថា Neymar ល្អជាង Ronaldo និង Messi...គាត់ជាកំពូលកីឡាករល្អបំផុតលើពិភពលោកបច្ចុប្បន្ននេះ ក្នុងឆ្នាំ២០១៧។ បើយើងក្រឡេកទៅមើលទម្រង់លេងរបស់គាត់ ហើយប្រៀបធៀបនឹង Messi និង Ronaldo...ខ្ញុំគិតថា Neymar ល្អជាងនៅពេលនេះ”។
Neymar ជាកីឡាករដ៏សំខាន់បំផុត ដែលជួយឲ្យ Barcelona មានលទ្ធភាពអាចវាយបកទម្លាក់ PSG ចេញពី UEFA Champions League នៅវគ្គ១៦ក្រុម ហើយកាលពីថ្ងៃសុក្រ កីឡាករវ័យ២៥ឆ្នាំ ក៏ជា Key Player ដ៏សំខាន់ ជួយឲ្យក្រុមជម្រើសជាតិប្រេស៊ីល ឈ្នះអ៊ុយរុយហ្គាយ ៤-១ នៅជម្រុះ World Cup 2018 ផងដែរ៕