សារដ៏សំខាន់របស់ Leonardo ចំពោះក្រុមគោព្រៃកម្ពុជា

2017-03-27 08:38:23
ចំនួនមតិ 0 | ចំនួនចែករំលែក 0

ចន្លោះមិនឃើញ

មុនការប្រកួតទល់នឹងម្ចាស់ផ្ទះហ្សកដានីមកដល់ថ្ងៃស្អែក លោក Leonardo Vitorino គ្រូបង្វឹកកម្ពុជាផ្ញើសារដ៏មានន័យខ្លឹមសារចំពោះកីឡាកររបស់លោក និងលើកឡើងពីភាពខ្លាំងរបស់ក្រុមហ្សកដានី។

លោក Leonardo បានឆ្លើយតបនឹងសំនួររបស់ Sabay ថា ៖«ហ្សកដានីជាក្រុមខ្លាំង ហើយពួកគេបានឡើងដល់វគ្គពាក់កណ្ដាលផ្តាច់ព្រ័ត្រពាន AFC Cup កាលពីរដូវកាលមុន....។ កីឡាកររបស់គេមានបទពិសោធន៍ច្រើនក្នុងនោះកីឡាករខ្លះមានអាយុជាង៣៤ឆ្នាំ។ ក្រុមកម្ពុជាយើងកំពុងស្ថិតលើផ្លូវផ្លាស់ប្តូរ និងទម្រង់ថ្មីដែលត្រូវកសាង»។

គ្រូបង្វឹកសញ្ជាតិប្រេស៊ីលរូបនេះបញ្ជាក់ឃ្លាយ៉ាងសំខាន់ចំពោះកីឡាកររបស់លោកថា ៖«ប្រហែលជាអ្នកផ្សេងអាចមានទេពកោសល្យជាងអ្នក តែគ្មាននរណាម្នាក់ខិតខំជាងអ្នកទេ។ យើងអាចធ្វើបាន»។

ក្រុមគោព្រៃកម្ពុជា បានចាកចេញពីកម្ពុជាទៅប្រទេសហ្សកដានីតាំងពីថ្ងៃទី២៣មីនាម្ល៉េះ ដើម្បីធ្វើការហ្វឹកហាត់សមទីលាននៅទីនោះមុនការប្រកួតវគ្គជម្រុះ AFC Asian Cup ចាប់ផ្ដើមនៅថ្ងៃស្អែកវេលាម៉ោង១១យប់។ មុនការចាកចេញទៅនោះដែរ ក្រុមកម្ពុជាក្រោមការដឹកនាំថ្មី ក៏បានសាកជើង១ប្រកួតជាមួយឥណ្ឌាហើយដែរ ដើម្បីជាការឱ្យកីឡាករយល់ចិត្តគ្នាខ្លាំងក្នុងប្រកួតមែនទែន។ ការប្រកួតថ្ងៃស្អែកមិនមានទូរទស្សន៍ណាផ្សាយបន្តផ្ទាល់មកកម្ពុជាឡើយ៕