នីឡា ត្រូវឪពុកហាមមិនឲ្យចេញរកលុយនៅតាមខេត្ត

2017-03-27 09:10:06
ចំនួនមតិ 0 | ចំនួនចែករំលែក 0

ចន្លោះមិនឃើញ

ទោះបីជា នីឡា ចូលលេងកំប្លែងអស់រយៈពេលជាច្រើនឆ្នាំទៅហើយក្ដីតែនាងគ្មានឱកាសចេញទៅកើបលុយនៅតាមខេត្តដូចតារាកំប្លែងដែលនៅក្នុងក្រុមជាមួយគ្នានោះទេ ដោយសារតែលោកតាវ៉ិចទ័រ មិនអនុញ្ញាតក្រោមហេតុផលកូនស្រីនៅក្មេង។

លោកតាវ៉ុចទ័រ បានប្រាប់ Sabay ថា លោកមិនហ៊ានបណ្ដោយឲ្យ នីឡា ចេញទៅសម្ដែងខនសឺតនៅតាមបណ្ដាខេត្តមួយចំនួនដែលនៅឆ្ងាយពីរាជធានីភ្នំពេញនោះទេ ព្រោះលោកគិតថាកូនស្រីនៅក្មេងខ្ចីពេក។ម្យ៉ាងទៀតមិនចង់ឲ្យកូនស្រីប្រឈមមុខជាមួយការអត់ងងុយច្រើនខ្លាចឈឺ។

ឪពុកនីឡា បានរៀបរាប់ថា៖ "កន្លងមកមានគេទាក់ទងនាង (នីឡា) ច្រើនឲ្យទៅលេងកំប្លែងនៅតាមខេត្តតែខ្ញុំ សូមអភ័យទោសខ្ញុំមិនហ៊ានបណ្ដោយឲ្យនាងទៅទេ ព្រោះខ្ញុំគិតថាកូនស្រីរបស់ខ្ញុំនៅក្មេងខ្ចី ហើយក្រុមគ្រួសារខ្ញុំមានកូនស្រីតែ១ នាក់ដូច្នេះយើងមិនចង់ឲ្យគាត់ដើរទៅណាឆ្ងាយទេឲ្យគាត់លេងតែក្នុងទូរទស្សន៍CTN មួយគឺគ្រប់គ្រាន់សម្រាប់គាត់ហើយ"។

តាវ៉ិចទ័រ បញ្ជាក់ថានាពេលបច្ចុប្បន្ននេះ នីឡា រកប្រាក់ចំណូលបានតែពីទូរទស្សន៍CTN តែមួយគត់ដោយក្នុងមួយខែនាងទទួលបាន២០០០ដុល្លារ។ តែនៅឆ្នាំក្រោយលោកនឹងអនុញ្ញាតឲ្យកូនស្រីចេញទៅលេងកំប្លែងនៅតាមខេត្តដូចក្រុមកំប្លែងដែលនៅក្នុងក្រុមជាមួយគ្នាហើយ៕

អត្ថបទ៖ ឆុង ស៊ីណាន