មូលហេតុពីក្រោយ ហូឡង់បណ្ដេញគ្រូបង្វឹក Danny Blind យប់មិញ
- 2017-03-27 07:24:11
- ចំនួនមតិ 0 | ចំនួនចែករំលែក 0
មូលហេតុពីក្រោយ ហូឡង់បណ្ដេញគ្រូបង្វឹក Danny Blind យប់មិញ
ចន្លោះមិនឃើញ
ក្រុមបាល់ទាត់ជម្រើសជាតិទឹកក្រូចហូឡង់ បានប្រកាសបណ្តេញគ្រូបង្វឹក Danny Blind ចេញពីតំណែងកាលពីយប់មិញ គឺដោយសារតែគ្រូបង្វឹករូបនេះ ដឹកនាំក្រុមមិនបានល្អ ធ្វើឲ្យចាញ់ប៊ុលហ្គារី ២-០ កាលយប់ថ្ងៃសៅរ៍ និងធ្វើឲ្យហូឡង់ប្រឈមមុខ អាចអត់បានជាប់ទៅលេងនៅ World Cup 2018 នៅទឹកដីរុស្សី។
Blind ឡើងដឹកនាំក្រុមជម្រើសជាតិហូឡង់ តាំងពីឆ្នាំ២០១៥ ជំនួសតំណែងលោក Guus Hiddink។ លោកដឹកនាំហូឡង់បាន២០ខែ លេងសរុប១៨ប្រកួត។ ប៉ុន្តែ៥ប្រកួតនៅជម្រុះ World Cup 2018 ហូឡង់រកបានតែ ៧ពិន្ទុប៉ុណ្ណោះ និងស្ថិតនៅលេខ៤ ចាញ់ក្រុមកំពូលតារាងបារាំង ៥ពិន្ទុ និងចាញ់ក្រុមលេខ២ ស៊ុយអែត៣ពិន្ទុ។ វគ្គជម្រុះ World Cup 2018 ក្នុងពូលនេះ លេខ១ នឹងឡើងដោយស្វ័យប្រវត្តិ ខណៈដែលលេខ២ នឹងត្រូវលេង Play-off។ ចំណែកឯលេខ៣ ដល់លេខ៦ នឹងត្រូវធ្លាក់។
ហូឡង់ បានខកខានព្រឹត្តិការណ៍ធំ Euro 2016 រួចម្តងហើយ ដូច្នេះពួកគេមិនចង់ឃើញក្រុមរបស់ខ្លួនខកខានបង្ហាញខ្លួននៅ World Cup 2018 ទៀតនោះទេ។ លោក Fred Grim ដែលដឹកនាំក្រុម U-21 ជម្រើសជាតិហូឡង់ នឹងឡើងដឹកនាំក្រុមឈុតធំនេះបណ្តោះអាសន្ន។ រីឯគ្រូបង្វឹកថ្មី សហព័ន្ធបាល់ទាត់ហូឡង់ នឹងស្វែងរក ប្រកាសតែងតាំង នាពេលអនាគតឆាប់ៗ៕