ហេង ស្រីពេជ្រ រកឃើញស្នេហ៍ថ្មីក្រោយពីខកស្នេហ៍លើកទី១

2017-03-28 04:08:13
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីខកបំណងស្នេហ៍ទីមួយរួចមកពេលនេះ ហេង ស្រីពេជ្រ បានជួបប្រទះជាមួយនិងស្នេហាទី២កំពុងតែប្រើពេលវេលាដើម្បីសិក្សាពីគ្នាទៅវិញទៅមក។

ហេង ស្រីពេជ្រ បានប្រាប់ Sabay ថាឥឡូវនេះមានបុរសជាច្រើនតាមសុំស្នេហ៍មានទាំងក្មេង ចាស់ និងវ័យកណ្ដាល តែក្នុងចំណោមបុរសទាំងអស់ហ្នឹងនាងពេញចិត្តបុរសម្នាក់ ជាអាណិកជនខ្មែរដែលរស់នៅក្រៅប្រទេស មានវ័យបងនាងប្រហែល២ ទៅ៣ ឆ្នាំតែប៉ុណ្ណោះ។ ចំណែកឯបុរសក្មេង និងវ័យច្រើនជាង ស្រីពេជ្រ មិនប៉ងប្រាថ្នាមកធ្វើជាគូអនាគតឡើយ។

ទាក់ទងនិងចូលរោងនៅថ្ងៃណាជាមួយបុរសដែលជាអាណិកជនខ្មែរនៅក្រៅប្រទេសថ្ងៃណានោះ ហេង ស្រីពេជ្រ បាននិយាយថា៖ "បងសុំពេលមួយឆ្នាំដើម្បីមើលចិត្តថ្លើមគ្នា បើក្នុងមួយឆ្នាំហ្នឹងបងមើលឃើញគាត់ថាជាបុរសដែលល្អពិតបងអាចទុកចិត្តបានហើយ បងនឹងសម្រេចចិត្តចូលរោងការជាមួយគាត់ក្នុងពេលឆាប់ៗ តែអ្វីក៏ដោយយើងត្រូវការពេលវេលាណាអូនព្រោះបងមិនចង់ខកស្នេហ៍ជាលើកទី២"។

ស្រីពេជ្រ អះអាងថា ស្នេហ៍ទី២និងមិនធ្វើឲ្យនាងខកបំណងដូចស្នេហ៍លើកទី១ឡើយ។ ហេតុផលដែលនាងសង្ឃឹមថាស្នេហ៍ទី២នេះ និងមិនធ្វើឲ្យនាងខកបំណងដូចស្នេហ៍ទី១ ដោយសារតែបុរសជាអាណិកជនខ្មែររស់នៅក្រៅប្រទេសជាមនុស្សចាស់ទុំចេះស្វែងយល់រឿងរ៉ាវសង្គម និងមានជីវិតស្រដៀងនាងផងដែរ៕