ក្រសួងកសិកម្ម ហាមមិនអោយប្រើថ្នាំកសិកម្ម ដែលផ្ទុកសារធាតុសកម្ម Tricyclazole
- 2017-03-28 09:18:34
- ចំនួនមតិ 0 | ចំនួនចែករំលែក 0
ក្រសួងកសិកម្ម ហាមមិនអោយប្រើថ្នាំកសិកម្ម ដែលផ្ទុកសារធាតុសកម្ម Tricyclazole
ចន្លោះមិនឃើញ
កាលពីថ្ងៃទី ២៧ មីនា ឆ្នាំ២០១៧ ម្សិលមិញនេះ ឯកឧត្ដម វេង សាខុន រដ្ឋមន្ត្រីក្រសួង កសិកម្ម រុក្ខាប្រមាញ់ និង នេសាទ បានចុះហត្ថលេខា ប្រកាសអោយបញ្ឈប់នាំចូល-ចែកចាយ និង ប្រើប្រាស់ថ្នាំកសិកម្មដែលមានផ្ទុកនូវសារជាតិគីមីសកម្ម Tricyclazole ។
ការហាមឃាត់នេះគឺធ្វើឡើងដោយផ្អែកលើសេចក្ដីជូនដំណឹងមួយរបស់សហភាពអឺរ៉ុប (EU) ដែលបានហាមឃាត់ការនាំចូលអង្ករដែលមានផ្ទុកសារជាតិTricyclazole លើសពី 0,01 មីលីក្រាមក្នុងអង្ករមួយគីឡូក្រាមទៅកាន់សហភាពអឺរ៉ុប។ ដូចនេះដើម្បីធានាដល់សុខភាពសាធារណៈ ការរក្សាគុណភាព និង កេរ្តិ៍ឈ្មោះដ៏ល្បីនៃអង្កររបស់ព្រះរាជាណាចក្រកម្ពុជា ក្រសួងកសិកម្មបានណែនាំនូវចំណុចសំខាន់ៗមួយចំនួនដូចជា៖
១ បញ្ឈប់ការប្រើប្រាស់ថ្នាំកសិកម្មដែលមានសារធាតុសកម្ម Tricyclazole ទៅលើដំណាំស្រូវ ព្រោះវាអាចបន្សល់ទុកសំណល់ថ្នាំក្នុងគ្រាប់អង្ករ។
២ បញ្ឈប់ការនាំចូល និង ចែកចាយថ្នាំកសិកម្ម ដែលមានសារធាតុខាងលើនេះ។
៣ មន្ទីរកសិកម្ម រុក្ខាប្រមាញ់ និង នេសាទមានភារកិច្ចក្នុងការចុះត្រួតពិនិត្យ ជួយអប់រំ ផ្សព្វផ្សាយ ដល់ដេប៉ូលក់ ព្រមទាំងប្រជាកសិករអោយបានដឹង និង យល់ពីរឿងនេះ។
៤ អគ្គនាយកដ្ឋានកសិកម្ម ត្រូវសិក្សាស្រាវជ្រាវបន្ថែម ដើម្បីរកថ្នាំកសិកម្មថ្មីមកប្រើជំនួសវិញ។ ថ្នាំទាំងនោះគឺមិនមានផលប៉ះពាល់ ឬ ត្រូវបានហាមឃាត់នោះឡើយ។ មួយវិញទៀត ត្រូវបន្តពិនិត្យលើផ្នែកអនាម័យ និង សំណល់ថ្នាំកសិកម្មដែលមាននៅក្នុងគ្រាប់អង្ករអោយបានច្បាស់ មុនពេលអនុញ្ញាតអោយនាំចេញទៅក្រៅប្រទេស។ ប្រការនេះគឺដើម្បីធានារក្សាអោយបាននូវគុណភាព បរិមាណ និង កេរ្តិ៍ឈ្មោះរបស់អង្ករកម្ពុជា។