សម្តេច ហ៊ុន សែន លើកទឹកចិត្ត ក្រុមកម្ពុជា ទោះចាញ់ ហ្សកដានី
- 2017-03-28 23:46:23
- ចំនួនមតិ 0 | ចំនួនចែករំលែក 0
សម្តេច ហ៊ុន សែន លើកទឹកចិត្ត ក្រុមកម្ពុជា ទោះចាញ់ ហ្សកដានី
ចន្លោះមិនឃើញ
ក្រុមបាល់ទាត់ជម្រើសជាតិកម្ពុជាបានទទួលបរាជ័យយ៉ាងអាក្រក់ក្រោមថ្វីជើងក្រុមម្ចាស់ផ្ទះហ្សកដានីដោយលទ្ធផលរហូតដល់៧-០ សម្រាប់ការប្រកួតបើកឆាកក្នុងពូល C នៃពានរង្វាន់ជើងឯកអាស៊ី AFC Asian Cup 2019 កាលពីយប់មិញ។
ទោះជាយ៉ាងណាលលទ្ធផលយ៉ាងណាក៏ក៏ដោយ ក៏សម្តេចតេជោ ហ៊ុន សែន នាយករដ្ឋមន្ត្រូនៃព្រះរាជាណាចក្រកម្ពុជានៅតែគាំទ្រលើកទឹកចិត្តដដែល។ សម្តេចបានសរសេរថា ៖«សូមអបអរសាទរក្រុមកីឡាបាល់ទាត់ជម្រើសជាតិកម្ពុជា ដែលបានខិតខំប្រកួតជាមួយក្រុមកីឡាបាល់ទាត់ ហ្សកដានី(Cambodia -០ vs Jordan-7)ក្នុងការប្រកួតពានរង្វាន់ជើងឯកអាស៊ី២០១៩ វគ្គជម្រុះជុំចុងក្រោយ (AFC Asian Cup 2019 Final Group Qualifiers)ដែលទើបបានបញ្ចប់ នៅពហុកីឡដ្ឋានអន្ដរជាតិ King Abdullah II នៅមុននេះបន្តិច»។
«ខ្ញុំសូមកោតសរសើរចំពោះសមត្ថភាពក្មួយៗកីឡាករជម្រើសជាតិកម្ពុជា ដែលបានខិតខំលេងបានយ៉ាងល្អក្នុងលក្ខណៈមិត្តភាពអន្តរជាតិ ដែលបានបង្ហាញអោយឃើញពីការរីកចម្រើន វិស័យកីឡានៅក្នុងប្រទេសកម្ពុជាយើង។ ចាញ់ឈ្នះគឺជាការធម្មតា សង្ឃឹមថាក្មួយៗកីឡាករនឹងខិតខំ លេងអោយកាន់តែល្អដើម្បីទទួលជ័យជំនះនៅក្នុងការប្រកួតលើកក្រោយ»។
«អរគុណបងប្អូនប្រជាពលរដ្ឋដែលគាំទ្រវិស័យកីឡា និងសូមជូនពរកីឡាបាល់ទាត់ជម្រើសជាតិកម្ពុជា ទទួលបានជោគជ័យជាបន្តបន្ទាប់នៅ ក្នុងការប្រកួតលក្ខណៈអន្តរជាតិខាងមុខទៀត»៕