រន្ធត់ណាស់! យន្តហោះដឹកអ្នកដំណើរ ១៤១នាក់ ចុះចតខុសផ្លូវ ផ្ទុះឆេះយ៉ាងសន្ធោសន្ធៅ
- 2017-03-29 01:53:56
- ចំនួនមតិ 0 | ចំនួនចែករំលែក 0
រន្ធត់ណាស់! យន្តហោះដឹកអ្នកដំណើរ ១៤១នាក់ ចុះចតខុសផ្លូវ ផ្ទុះឆេះយ៉ាងសន្ធោសន្ធៅ
ចន្លោះមិនឃើញ
យន្តហោះ Boeing 737 របស់ក្រុមហ៊ុនអាកាសចរប៉េរូ Peruvian Airlines ដែលដឹកអ្នកដំណើរចំនួន ១៤១នាក់ បានរេចេញពីផ្លូវ និងផ្ទុះឆេះយ៉ាងសន្ធោសន្ធៅ នៅពេលចុះចត នៅឯព្រលានយន្តហោះ Francisco Carle Airport ក្នុងទីក្រុង Jauja ប្រទេសប៉េរូ។
ហេតុការណ៍នេះបានកើតឡើង នៅវេលាម៉ោង៤ និង៣០នាទីរសៀល ម៉ោងនៅប៉េរូ (ត្រូវនឹងម៉ោង៤ និង ៣០នាទីព្រឹក នៅកម្ពុជា) ថ្ងៃទី២៩ ខែមីនា ឆ្នាំ២០១៧ នេះតែម្ដង។ នេះបើតាមការបញ្ជាក់ពីក្រុមហ៊ុនអាកាសចរខាងលើ។
ទោះបីជាយ៉ាងណា អ្នកដំណើរចំនួន ១៤១នាក់នៅលើយន្តហោះ មិនមានរងរបួសធ្ងន់ធ្ងរអ្វីឡើយ ហើយបានជម្លៀសចេញដោយសុវត្ថិភាព បន្ទាប់ពីកើតហេតុការណ៍ដ៏គួរឲ្យរន្ធត់នោះ។
អ្នកដំណើរម្នាក់មានឈ្មោះថា Jessica Núñez បានប្រាប់ឲ្យដឹងថា អ្នកបើកយន្តហោះ ហាក់បីដូចជាបាត់បង់ការគ្រប់គ្រងលើយន្តហោះ នៅពេលចុះចត បន្ទាប់ពីស្លាបយន្តហោះខាងស្ដាំបានបាក់ ហើយភ្លើងក៏ចាប់ផ្ដើមឆាបឆេះឡើង៕
សូមទស្សនាវីដេអូខាងក្រោមទាំងអស់គ្នា៖
A Peruvian Airlines Boeing 737 has been involved in an accident at Francisco Carle Airport in Peru. pic.twitter.com/z4QT5QjUYc
— Brendan Grainger (@S118869) March 28, 2017
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
