វីដេអូ ទេព រិនដារ៉ូ ដង្ហែសព ស្វែង សុជាតា ក្នុងរឿង "១៥រោច"

2017-03-29 02:40:09
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីម្សិលមិញនេះផលិតកម្មកេសារ៉ាបានចេញថតប្លង់មួយនៅវត្តប្រសាទក្នុងរឿង "១៥រោច" ក្នុងប្លង់នេះដែរ លោក ទេព រិន្ទដារ៉ូ ដង្ហែសពអ្នកនាង ស្វែង សុជាតា ដែលត្រូវជាម្ដាយទៅបូជា។

ជ័យ រិទ្ធា បានមានប្រសាសន៍"បាទនៅក្នុងថ្ងៃនេះយើងថតឈុតបុណ្យសព អ្នកនាង ស្វែង សុជាតា ដែលត្រូវជាម្ដាយលោក ទេព រិន្ទដារ៉ូ ហើយរឿង "១៥រោច" យើងបានចេញថតបាន៣០ភាគរយហើយមកដល់ពេលនេះ"។ ប្លង់ដង្ហែសពអ្នកនាង ស្វែង សុជាតា កាលពីម្សិលមិញចូលរួមសម្ដែងដោយលោក ទេព រិន្ទដារ៉ូ កញ្ញា កុល ដាវី លោក លឹម រដ្ឋា ព្រមទាំងប្រជាពលរដ្ឋដែលរស់នៅក្បែរវត្តប្រាសាទផងដែរ។

លោកបន្ថែមថា បន្ទាប់ពីថតរឿង "១៥រោច" នេះចប់ផលិតកម្មកេសារា នឹងត្រៀមផលិតខ្សែភាពយន្តជាបន្តបន្ទាប់ទៀតដើម្បីវាយលុកលើទីផ្សារ ព្រោះទីផ្សារភាពយន្តនៅក្នុងស្រុកខ្មែរនាពេលបច្ចុប្បន្ននេះមានការប្រកួតប្រជែងគ្នាខ្លាំង ។ ហេតុដូច្នេះហើយក្នុងរឿង "១៥រោច" នេះផលិតកម្មកេសារា បានសម្រិតសម្រាំងគុណភាពគ្រប់ឈុតគ្រប់ឆាកដើម្បីឲ្យទស្សនិកជនបានទស្សនាហើយត្រជាក់ភ្នែក។

អត្ថបទ៖ ឆុង ស៊ីណាន