វ៉ែន សុផល និយាយពីចំណុចខ្សោយអ្នកប្រដាល់សកលកម្ពុជា ត្រៀមទៅស៊ីហ្គេម
- 2017-03-29 23:06:00
- ចំនួនមតិ 0 | ចំនួនចែករំលែក 0
វ៉ែន សុផល និយាយពីចំណុចខ្សោយអ្នកប្រដាល់សកលកម្ពុជា ត្រៀមទៅស៊ីហ្គេម
ចន្លោះមិនឃើញ
បើតាមបទពិសោធន៍ក្រាស់ក្រែលនាពេលកន្លងមករបស់លោកគ្រូ វ៉ែន សុផល ថាចំណុចខ្សោយរបស់កីឡាករកម្ពុជាដែលធ្វើមិនទាន់បានល្អដូចប្រទេសដទៃទៀតនោះគឺល្បឿនឬក៏ភាពរហ័សរហួននៅពេលប្រកួត។
លោក វ៉ែន សុផល ដែលជាគ្រួជម្រើសជាតិប្រដាល់សកលរបស់កម្ពុជាបាននិយាយកាលពីថ្ងៃអង្គារ ទី២៨ ខែមីនា ឆ្នាំ២០១៧នេះថា បច្ចុប្បន្នលោកកំពុងសម្រុកបង្វឹកកីឡាករជម្រើសជាតិដែលត្រៀមចេញទៅប្រកួត ស៊ីហ្កេមនៅម៉ាឡេស៊ីខាងមុខនេះ។ តាមបទពិសោធន៍ដែលលោកធ្លាប់ចេញទៅចូលរួមកម្មវិធីនានាកន្លងទៅនេះមានប្រទេស៣ ដែលមានកីឡាករខ្លាំងនិងពូកែ នោះគឺ ថៃ,ហ្វីលីពីននិងម៉ាឡេស៊ី និយាយពីបច្ចេកទេសមិនលើសកម្ពុជាប៉ុន្មានទេ តែចំណុចល្អពួកគេនោះគឺភាពរហ័សរហួនតែម្ដង។
គ្រូជម្រើសជាតិរូបនេះបន្តឲ្យដឹងទៀតថា ឥលូវនេះលោកកំពុងព្យាយាមបង្វឹកកូនសិស្សរបស់លោកមានភាពរហ័សរហួន ព្រមទាំងវ៉ៃឲ្យមានល្បឿនជាងនេះទៅទៀត ព្រោះថាកីឡាករដែលជាដៃគូរប្រកួតនាពេល ស៊ីហ្កេម២០១៧នេះ សុទ្ធតែវ៉ៃបានលឿន បើមិនខំប្រឹងហាត់ត្រង់ចំណុចនេះទេពិបាកនឹងប្រកួតប្រជែងយកមេដាយណាស់។
លោក វ៉ែន សុផល ជាគ្រូជម្រើសជាតិជើងចាស់ លោកជាប់ជាគ្រូជម្រើសជាតិតាំងពីឆ្នាំ២០០៧មកម្ល៉េះ បច្ចុប្បន្នកំពុងទទួលបន្ទុកបង្ហាត់កីឡាករប្រដាល់សកលជម្រើសជាតិត្រៀមចេញទៅកម្មវិធីស៊ីហ្គេម២០១៧នៅប្រទេសម៉ាឡេស៊ី។ តាមគម្រោងរបស់ក្រសួងអប់រំនឹងបញ្ជូនកីឡាករ៦ប្រភេទទម្ងន់ដើម្បីទៅប្រកួតប្រជែង ប៉ុន្តែនេះនៅមិនទាន់ដឹងថាកីឡាកររូបណាខ្លះនឹងចេញទៅនោះទេ រង់ចាំមើលការហ្វឹកហាត់សិនទើបជម្រុះតាមក្រោយ៕