វេជ្ជបណ្ឌិត បេអាត រិចឆ្នឺរកំពុងមានជំងឺ តែមន្ទីរពេទ្យគន្ធបុប្ផានឹងដំណើរការធម្មតាដូចពីមុន
- 2017-03-29 05:16:47
- ចំនួនមតិ 0 | ចំនួនចែករំលែក 0
វេជ្ជបណ្ឌិត បេអាត រិចឆ្នឺរកំពុងមានជំងឺ តែមន្ទីរពេទ្យគន្ធបុប្ផានឹងដំណើរការធម្មតាដូចពីមុន
ចន្លោះមិនឃើញ
តាមសេចក្តីប្រកាសព័ត៌មាន របស់ក្រុមប្រឹក្សាភិបាល របស់មូលិនិធិគន្ធបុប្ផានៅ ទីក្រុងហ្ស៊ូរិក ប្រទេសស្វីស លោកវេជ្ជបណ្ឌិត បេអាត រិចឆ្នឺរ ជាស្ថាបនិកមន្ទីរពេទ្យគន្ធបុប្ផានៅពេលនេះកំពុងមានជំងឺជាទំងន់។
ដោយសារមូលហេតុនេះ លោកវេជ្ជបណ្ឌិត បេអាត រិចឆ្នឺរ នឹងលាលែងពីតំណែងជាអ្នកគ្រប់គ្រងមន្ទីរពេទ្យគន្ធបុប្ផា ចាប់ពីពេលនេះតទៅ។ ដោយឡែកលោកវេជ្ជបណ្ឌិត ភីធឺរ ស្ទូដឺរ ដែលជាអនុប្រធានក្រុមប្រឹក្សាភិបាលរបស់មូនិធិគន្ធបុប្ផា នឹងចូលមកគ្រប់គ្រងមន្ទីរពេទ្យនេះជំនួសលោក លោកវេជ្ជបណ្ឌិត បេអាត រិចឆ្នឺរ។
តាមរយៈយុទ្ធសាស្រ្តរបស់សមាជិកក្រុមប្រឹក្សាភិបាល រួមជាមួយ លោកវេជ្ជបណ្ឌិត បេអាត រិចឆ្នឺរ ធានាថា មន្ទីរពេទ្យគន្ធបុប្ផា នឹងបន្តដំណើរការដោយឯករាជ្យ ដែលផ្តល់សេវាកម្មថែទាំសុខភាព និងមាតានៅកម្ពុជាដោយមិនគិតប្រាក់ និងមានគុណភាពខ្ពស់៕