គ្រូវេស្ទើនលើកហេតុផល៤ចំណុចដែលបណ្ដាលឲ្យកម្ពុជាចាញ់ហ្សកដានី ៧-០
- 2017-03-29 23:17:26
- ចំនួនមតិ 0 | ចំនួនចែករំលែក 0
គ្រូវេស្ទើនលើកហេតុផល៤ចំណុចដែលបណ្ដាលឲ្យកម្ពុជាចាញ់ហ្សកដានី ៧-០
ចន្លោះមិនឃើញ
ក្រុមបាល់ទាត់ជម្រើសជាតិកម្ពុជាបានប្រកួតចាញ់ក្រុមជម្រើសជាតិ ហ្សកដានី យ៉ាងធ្ងន់ធ្ងររហូតដល់ទៅ៧-០ ក្នុងការប្រកួតសន្សំពិន្ទុបើកឆាកក្នុងពូល C នៃវគ្គជម្រុះពានរង្វាន់ AFC Asian Cup 2019 ជុំចុងក្រោយ។ លទ្ធផលនេះបានធ្វើឲ្យលោក ស៊ុម វណ្ណា គ្រូបង្គោលវេស្ទើនបានលើកហេតុផល៤ចំណុចចំៗ ដែលធ្វើឲ្យលោកគិតថា ជាហេតុផលបណ្ដាលឲ្យកម្ពុជាចាញ់ច្រើនដូច្នេះ។
- ទី១៖ ក្នុងការប្រកួតនេះនៅលើទឹកដី ហ្សកដានី ដែលមានអាកាសធាតុ ១៥ អង្សាសេ។ សីតុណ្ហាភាពនេះសម្រាប់កីឡាករកម្ពុជាគឺត្រជាក់ខ្លាំង។ វាពិតជាមានការលំបាកក្នុងការទ្រាំរបស់កីឡាករ ដែលទាក់ទងទៅហ្នឹង សំពាធបរិយាកាស ធ្វើឲ្យប៉ះពាល់ដល់ប្រព័ន្ធឈាមរត់។
ទី២៖ ពេលវេលាខុសគ្នាច្រើនម៉ោង (ជិត៥ម៉ោង) នៅពេលកីឡាករកម្ពុជាសម្រាក បែរជាប្រកួតទៅវិញ។ ការសម្របសម្រួលពេលវេលា គឺមានបញ្ហាទៅលើលំនឹង ( Body balance) និងអាចឲ្យកីឡាករមានភាពធេងធោង។
ទី៣៖ កត្តាទីលាន (ប្រហែលជាកីឡាករកម្ពុជាមិនបានប្រើស្បែកជើងវីសច្រើន)។ កត្តានេះបានបណ្ដាលឲ្យកីឡាករមានការរត់ដួលច្រើន ហាក់ដូចជាមិនមានភាពសមទៅនឹងទីលាន។
ទី៤៖ រយៈពេលនៃការសម្រាករបស់កីឡាករកម្ពុជាមានចំនួនតិច នាំឲ្យការបន្សាំរាងកាយដែលជាកត្តាចម្បងសម្រាប់កីឡាករមិនបានល្អ (អាហារ អាកាសធាតុ ទីលាន ពេលវេលា...)
ក្រុមជម្រើសជាតិកម្ពុជា នឹងមកដល់ទឹកដីកំណើតវិញនាវេលាម៉ោង១២ថ្ងៃត្រង់ ទី៣០ ខែមីនា ឆ្នាំ២០១៧នេះ៕