Galaxy S8 មានចំណុចខ្លឹម ៥ ដែល iPhone មិនអាចតតាំងរួច

2017-03-30 03:19:03
ចំនួនមតិ 0 | ចំនួនចែករំលែក 0

ចន្លោះមិនឃើញ

តាមរយៈអត្ថបទមុនៗប្រិយមិត្តបានដឹងច្បាស់ពីលក្ខណៈសម្បត្តិ និង ចំណុចពិសេសដែលមានលើ Galaxy S ជំនាន់ថ្មីរួចហើយ។ ខាងក្រោមនេះនឹងបង្ហាញពីចំណុចខ្លឹម ៥ របស់ Galaxy S8 ដែលមិនមានលើ iPhone វិញម្ដង៖

១. Infinity Display

Samsung បានហៅផ្ទៃអេក្រង់ស្ទើរគ្មានគែមដែលមានលើ Galaxy S8 ថាជា Infinity Display ដោយផ្នែកខាងមុខមានផ្ទៃអេក្រង់ដល់ ៨៣% ឯណោះ។ អេក្រង់ប្រភេទនេះធ្វើឲ្យ Samsung បានវ៉ាដាច់ Apple មួយជំហានទៀត។

២. បច្ចេកវិទ្យាស្កេនប្រស្រីភ្នែក

Samsung បាននាំយកបច្ចេកវិទ្យាស្កេនប្រស្រីភ្នែកពី Note 7 មកបំពាក់លើ S8 ដែលអាចប្រើដើម្បីដោះសោទូរសព្ទ និង សម្រាប់ការពារឯកសារសម្ងាត់បាន។ ចំណែកឯ iPhone នៅតែបន្តប្រើបច្ចេកវិទ្យាដោះសោដោយស្កេនក្រយៅដៃនៅឡើយ។

៣. បច្ចេកវិទ្យាចំណាំផ្ទៃមុខ

ជម្រើសសុវត្ថិភាពមួយទៀតរបស់ Galaxy S8 និង S8+ គឺបច្ចេកវិទ្យាដែលអាចចំណាំពេញមួយផ្ទៃមុខដែលបច្ចុប្បន្នអាចត្រឹមប្រើសម្រាប់ដោះសោទូរសព្ទប៉ុណ្ណោះ។

៤. Bixby Vision

ជំនួយការឆ្លាតវៃថ្មីរបស់ Samsung មានឈ្មោះថា Bixby ដោយជំនួយការនេះមានមុខងារបន្ថែមមួយទៀតឈ្មោះថា Bixby Vision។ Bixby Vision ប្រើប្រាស់កាមេរ៉ារបស់ S8 និង S8+ ដើម្បីមើលឃើញវត្ថុអ្វីមួយ ហើយអាចផ្ដល់ព័ត៌មានលម្អិតពីវត្ថុនោះ។ មិនតែប៉ុណ្ណោះ Bixby Vision ថែមអាចបកប្រែអក្សរបានភ្លាមៗជាង ៥០ ភាសា។

៥. ឈីបថ្មី 10 nm

Apple ត្រូវបានគេចាត់ទុកថាក្រុមហ៊ុនឈានមុខគេក្នុងការផលិតបន្ទះឈីបសម្រាប់ស្មាតហ្វូន ប៉ុន្តែ Samsung បានផ្ដួល Apple ជាមួយបន្ទះឈីបថ្មីលើ Galaxy S8/S8+។ ទាំងឈីប Snapdragon 835 និង Exynos 8895 សុទ្ធតែជាឈីប 10 nm ដែលមានដំណើរការលឿនជាងមុន និង ប្រើថាមពលតិច។ Apple ក៏កំពុងផលិតឈីប 10 nm ដែរប៉ុន្តែទាល់តែខែកញ្ញាទើប iPhone ប្រើឈីប 10 nm បង្ហាញខ្លួន។

ប្រភព៖ Bgr ប្រែសម្រួល៖ សុខហេង