ច្បាប់កម្រមាន! សិស្សត្រូវចេះហែលទឹក ទើបអាចបញ្ចប់ការសិក្សា នៅសាលានេះបាន
- 2017-03-30 03:54:26
- ចំនួនមតិ 0 | ចំនួនចែករំលែក 0
ច្បាប់កម្រមាន! សិស្សត្រូវចេះហែលទឹក ទើបអាចបញ្ចប់ការសិក្សា នៅសាលានេះបាន
ចន្លោះមិនឃើញ
សិស្សនិស្សិតដែលដាក់ពាក្យចូលរៀន នៅឯសកលវិទ្យាល័យល្បីៗរបស់ប្រទេសចិន ត្រូវបានគេប្រាប់ថា ពួកគេត្រូវរៀនហែលទឹកឲ្យចេះ មុនពេលបញ្ចប់ការសិក្សានៅទីនោះ។
សកលវិទ្យាល័យ Tsinghua University ដែលត្រូវបានគេស្គាល់ថាជា សកលវិទ្យាល័យ Harvard (ល្បីនៅសហរដ្ឋអាមេរិក) ភាគខាងកើត បានសម្រេចបញ្ចេញច្បាប់នេះ ដើម្បីឲ្យសិស្សនិស្សិតទាំងអស់ចេះហែលទឹក ដោយអះអាងថា វាគឺជាជំនាញដ៏សំខាន់មួយ ដើម្បីសង្គ្រោះជីវិត។
ប្រធានសកលវិទ្យាល័យ Tsinghua University លោក Qiu Yong បាននិយាយថា ច្បាប់នេះត្រូវបានធ្វើឡើងជាកំហិត សម្រាប់សិស្សនិស្សិតទាំងអស់ ព្រោះវាដូចជាការហាត់ប្រាណ និងធ្វើឲ្យរាងកាយប្រសើរឡើងផងដែរ។
គួរបញ្ជាក់ថា សកលវិទ្យាល័យខាងលើ បានបញ្ចេញច្បាប់នេះដំបូង តាំងពីឆ្នាំ១៩១៩ មកម្ល៉េះ ប៉ុន្តែក្រោយមកត្រូវបានគេបោះបង់ចោល ដោយសារតែ ប្រជាប្រិយភាពនៃសកលវិទ្យាល័យ (មានសិស្សរៀនច្រើន) និងកង្វះអាងហែលទឹក នៅក្នុងទីក្រុងប៉េកាំង។
យ៉ាងណាមិញ ស្ថិតក្រោមច្បាប់ថ្មីដែលបានប្រកាស កាលពីច័ន្ទកន្លងទៅនេះ សិស្សនិស្សិតថ្មីដែលចាប់ផ្ដើមចូលរៀន នៅខែកញ្ញាខាងមុខ នឹងត្រូវបង្ហាញថា ពួកគេអាចហែលទឹកបាន យ៉ាងហោចណាស់ចម្ងាយ ៥០ម៉ែត្រ ដោយប្រើក្បាច់ហែលទឹកណាមួយក៏បាន៕