នេះគន្លឹះដោះស្រាយ បើ iPhone អ្នកចេះតែឆាប់ពេញអង្គផ្ទុកទិន្នន័យ
- 2017-03-30 04:25:25
- ចំនួនមតិ 0 | ចំនួនចែករំលែក 0
នេះគន្លឹះដោះស្រាយ បើ iPhone អ្នកចេះតែឆាប់ពេញអង្គផ្ទុកទិន្នន័យ
ចន្លោះមិនឃើញ
សម្រាប់ប្រិយមិត្តដែលកំពុងប្រើប្រាស់ iPhone មានអង្គផ្ទុកទិន្នន័យតូច 16GB ជាដើម គឺមិនគួររំលងស្វែងយល់ពីចំណេះដឹងថ្មីមួយនេះឡើយ។ ធ្លាប់ឆ្ងល់ទេ ហេតុអ្វីបានជាកម្មវិធីមួយចំនួននៅលើ iPhone របស់អ្នក ដូចជា Facebook ស៊ីអង្គផ្ទុកទិន្នន័យម៉ាស៊ីនពេលខ្លះ ដល់ទៅជិត 1GB ខណៈទំហំកម្មវិធីដើម Download មកតែជាង 200MB ប៉ុណ្ណោះ។
នោះមកពី Junk File ដែលជាឯកសារពុំមានប្រយោជន៍ ជ្រាបចូលទៅក្នុងកម្មវិធី ដែលយើងមិនអាចមើលឃើញ។ ម្ល៉ោះហើយជារឿយៗអ្នកប្រើប្រាស់គួរធ្វើការលុបកម្មវិធីទាំងមូលចោល ហើយ Download សារជាថ្មី ដើម្បីឱ្យអង្គផ្ទុកទិន្នន័យមានភាពទំនេរច្រើន។
ដូចជាបទពិសោធន៍នៃការប្រើប្រាស់របស់ Sabay ផ្ទាល់តែម្ដង មុននឹងលុបកម្មវិធី Facebook & Line ដំបូងឡើយនៅសល់អង្គផ្ទុកទិន្នន័យតែ 134MB ប៉ុណ្ណោះ ដោយឡែកក្រោយធ្វើការលុបចោលហើយ Download ថ្មី អង្គផ្ទុកទិន្នន័យនៅសល់កើនឡើងដល់ 786MB វិញ ដូច្នេះគឺចំណេញ 652MB ទាំងដែលបានកម្មវិធីមកប្រើប្រាស់ដដែល។