Floyd ប្រកាសលក់ឡានទំនើបបំផុត១គ្រឿង ក្រោយល្បីដាច់លុយ
- 2017-03-30 04:41:28
- ចំនួនមតិ 0 | ចំនួនចែករំលែក 0
Floyd ប្រកាសលក់ឡានទំនើបបំផុត១គ្រឿង ក្រោយល្បីដាច់លុយ
ចន្លោះមិនឃើញ
អតីតកំពូលអ្នកប្រដាល់អាមេរិក Floyd Mayweather បានប្រកាសលក់រថយន្តទំនើប Koenigsegg CCXR Trevita ក្នុងការដេញថ្លៃ បន្ទាប់ពីមានពាក្យចចាមអារ៉ាមថ្មីៗនេះថា រូបគេបានជួបវិបត្តិហិរញ្ញវត្ថុ។
Floyd រហស្សនាម "The Money” ជាអ្នកប្រដាល់ដែលមានប្រាក់ប្រហែល៥១០លានផោន ប៉ុន្តែថ្មីៗនេះ អ្នកប្រដាល់ MMA កីឡាករ Michael Bisping បានឲ្យដឹងថា មានមិត្តភ័ក្ដិរបស់គេម្នាក់នៅអាមេរិកប្រាប់ថា Floyd កំពុងមានវិបត្តិបញ្ហាលុយកាក់ខ្លាំង ដោយសារការចាយវាយខ្ជីខ្ជា និងចាញ់បោកគេ អស់ប្រាក់រាប់រយលានដុល្លារ។
កាលខែមករា អ្នកប្រដាល់វ័យ៤០ឆ្នាំ ក៏ធ្លាប់ប្រកាសដាក់រថយន្ត Bugatti Veyron របស់ខ្លួន តម្លៃប្រហែល១,៨៥លានផោន ក្នុងការដេញថ្លៃផងដែរ ប៉ុន្តែលក់មិនដាច់។ ប៉ុន្តែពេលនេះ Floyd បានប្រកាសលក់រថយន្តទំនើបបំផុតរបស់គេមួយទៀតគឺ Koenigsegg CCXR Trevita។ Koenigsegg CCXR Trevita ជាកំពូលរថយន្តទំនើបបំផុតរបស់ស៊ុយអែត ដែលផលិតឡើងតែ២គ្រឿងគត់លើពិភពលោក។ រថយន្តនេះ Floyd បានទិញ កាលខែកក្កដា ឆ្នាំ២០១៥ ក្នុងតម្លៃ៤,៨លានដុល្លារ៕