ឱកាសអាហារូបករណ៍សិក្សាក្នុងវិស័យសិល្បៈ ១០កន្លែង មកដល់ហើយ

2017-03-30 06:53:03
ចំនួនមតិ 0 | ចំនួនចែករំលែក 0

ចន្លោះមិនឃើញ

អង្គការសិល្បៈខ្មែរអមតៈ (Cambodian Living Arts) ថ្មីៗនេះ នឹងផ្ដល់អាហារូបករណ៍ ១០កន្លែង ដល់សិស្សសិល្បៈ សិល្បករអាជីព លោកគ្រូ អ្នកគ្រូសិល្បៈ និងអ្នកធ្វើការក្នុងវិស័យសិល្បៈ និងវប្បធម៌ (អ្នកមិនមែនជាសិល្បករ តែធ្វើការក្នុងវិស័យសិល្បៈ និងវប្បធម៌ ដូចជាផលិតករ អ្នកគ្រប់គ្រង អ្នករចនាពិព័រណ៍-ល- ) សម្រាប់អ្នកដែលមានចំណាប់អារម្មណ៍។

អាហារូបករណ៍ខាងលើចែកចេញជាពីរផ្នែកគឺ៖

អាហារូបករណ៍អភិវឌ្ឍន៍ជំនាញសិល្បៈ បណ្ដុះបណ្ដាលជំនាញសិល្បៈកម្រិតអាជីព ដូចជាថ្នាក់បរិញ្ញាបត្រនៅសាកលវិទ្យាល័យភូមិន្ទវិចិត្រសិល្បៈ និងហ្វឹកហាត់ជាមួយគ្រូសិល្បៈឯកជនទាំងផ្នែកបុរាណ និងសម័យ អ្នកស្រាវជ្រាវ និងអ្នកមកពីផ្នែកដទៃទៀតនៅក្នុងវិស័យសិល្បៈ និងវប្បធម៌។

អាហារូបករណ៍អភិវឌ្ឍន៍ជំនាញមិនមែនសិល្បៈ ការអភិវឌ្ឍជំនាញមិនមែនសិល្បៈ ដើម្បីជួយអភិវឌ្ឍអាជីពក្នុងវិស័យសិល្បៈ និងវប្បធម៌ដូចជាថ្នាក់បរិញ្ញាបត្រ (សណ្ឋាគារ និងបដិសណ្ឋារកិច្ច ទេសចរណ៍ ប្រព័ន្ធផ្សព្វផ្សាយ -ល-) ថ្នាក់អនុបណ្ឌិត ថ្នាក់អនុបណ្ឌិត ថ្នាក់កុំព្យូទ័រ ភាសាអង់គ្លេសក្រៅម៉ោង ឬពេញម៉ោង។

អត្ថប្រយោជន៍ដែលបេក្ខជន នឹងទទួលបាន៖ -ការកសាងសមត្ថភាពតាមរយៈការចូលរួមវគ្គបណ្ដុះបណ្ដាលគុណតម្លៃសម្រាប់ការអភិវឌ្ឍខ្លួន ភាពជាអ្នកដឹកនាំ និងអាជីព

-ឱកាសចូលរួមទស្សនកិច្ចសិក្សា សិក្ខាសាលា ព្រឹត្តិការណ៍សិល្បៈ និងវប្បធម៌ គម្រោងស្ម័គ្រចិត្តនានា

-ជំនួយស្មារតី និងការប្រឹក្សាយោបល់ពីក្រុមការងារសិល្បៈខ្មែរអមតៈ

-ប្រាក់ឧបត្ថម្ភការសិក្សា ១២០០ដុល្លារក្នុង១ឆ្នាំ

លក្ខខណ្ឌដាក់ពាក្យ៖ -ត្រូវមានអាយុយ៉ាងតិច១៦ ឆ្នាំ

-ជាជនជាតិខ្មែរ ឬមានសញ្ជាតិខ្មែរ

-រៀនសិល្បៈខ្មែរបុរាណ ឬសម័យ ឬទម្រង់សិល្បៈដទៃទៀតយ៉ាងតិច៣ឆ្នាំ ឬមានបទពិសោធន៍ការងារក្នុងវិស័យសិល្បៈ និងវប្បធម៌យ៉ាងតិច៣ឆ្នាំ។

សម្រាប់បេក្ខជនមានចំណាប់អារម្មណ៍ ត្រូវទៅទទួលពាក្យស្នើសុំ និងផ្ញើទៅអង្គការសិល្បៈខ្មែរអមតៈ ដែលមានអាសយដ្ឋាន៖

ភ្នំពេញ៖ ផ្ទះលេខ ១២៨G៩ ផ្លូវសុធារស សង្កាត់ទន្លេបាសាក់ ខណ្ឌចំការមន (០១៧ ៥៥៧ ២៨៥/០១០ ៩៤១ ២២៤)

សៀមរាប៖ វត្តរាជបូរណី សង្កាត់សាលាកំរើក (០១២/០៦៩ ៥៨៣ ៨៩១)

អ៊ីម៉ែល៖ sokhorn@cambodialivingarts.org

អត្ថបទ៖ មាន រតនា

ពាក្យទាក់ទង

ការអប់រំ និងការងារ

អត្ថបទពេញនិយម

លក្ខខណ្ឌទាំងនេះ ត្រូវបានអតីតតារាសម្ដែង ម៉ៅ ចំណាន បំពេញគ្រប់ សម្រាប់បេក្ខភាពប្រធានសមាគម

ឧកញ៉ា គិត ស៊ូឡា ឡើងជានាយកគ្រប់គ្រងផ្នែកប្រតិបត្តិការ ក្រុមហ៊ុន រ៉ូយ៉ាល់គ្រុប អន្តរជាតិ

ខេត្តដែលទទួលបានភ្ញៀវទេសចរច្រើនជាងគេ និងតិចជាងគេបង្អស់ក្នុងឱកាសចូលឆ្នាំខ្មែរ

ដោយសារភ្លៀងសិប្បនិម្មិត Cloud Seeding ឬ ទើបធ្វើឱ្យឌូបៃ ជួបប្រទះគ្រោះទឹកជំនន់ធ្ងន់ធ្ងរបំផុត?

ត្រៀមកន្លែងថតរូបថ្មី! អាជ្ញាធរខេត្តកំពត ចាប់ផ្តើមសាងសង់ប្រាសាទលោកយាយម៉ៅលើកំពូលភ្នំទ្វារ ឡានម៉ូតូក៏អាចបើកឡើងដល់ដែរ

ផ្លូវជាតិលេខ៤៨ ស្រែអំបិល-កោះកុង សម្រេចសាងសង់បានពាក់កណ្តាលហើយ និងគ្រោងបញ្ចប់ចាក់កៅស៊ូឆ្នាំក្រោយ

អត្ថបទថ្មី

ងាយៗ! ពិនិត្យមើលសំបកកង់៣ចំណុចធំៗនេះដោយខ្លួនឯងបាន ចៀសវាងបែកកង់តាមផ្លូវ

ហេតុផលធំមួយលោក RICKY Sun ឈប់ពីអាជីពចម្រៀងមកធ្វើគ្រូគុនខ្មែរ

អបអរសាទរដល់អតិថិជនដែលឈ្នះរង្វាន់ពីកម្មវិធីរង្វាន់ហុងស៊ុយ 168 រង្វាន់ ដ៏កក្រើកពីក្រុមហ៊ុន សាមសុង!

យុវជន លឹម ចិត្រា មានឆន្ទៈចង់ក្លាយជាកីឡាករអាជីព និងលេងក្រៅប្រទេសដូច Idol វឿន វាសនា