តម្រូវការស្មាតហ្វូនក្នុងប្រទេសកម្ពុជា មួយខែលក់ចេញជាង ៨ ម៉ឺនគ្រឿង

2017-04-03 08:58:18
ចំនួនមតិ 0 | ចំនួនចែករំលែក 0

ចន្លោះមិនឃើញ

លោកឯម យុទ្ធូ ប្រធានគ្រប់គ្រងជាន់ខ្ពស់របស់ក្រុមហ៊ុន Huawei ប្រចាំប្រទេសកម្ពុជាឲ្យដឹងថា តម្រូវការប្រើប្រាស់ស្មាតហ្វូនថ្មី ក្នុងប្រទេសកម្ពុជាមានការកើនឡើងប្រហែល ១០ ភាគរយក្នុងមួយឆ្នាំ។

ទោះបីមានការវាយតម្លៃមួយលើកឡើងពីស្ថានភាពទីផ្សារទូរសព្ទក្នុងប្រទេសកម្ពុជាកំពុងស្ថិតនៅក្នុងដំណាក់កាលឆ្អែត ដោយសារការផ្គត់ផ្គង់លើសពីតម្រូវការ អ្នកគ្រប់គ្រងជាន់ខ្ពស់រូបនេះបញ្ជាក់ថា ក្នុងមួយខែៗការលក់ទូរសព្ទជាទូទៅគ្រប់ម៉ាកមានប្រហែល ៨ ម៉ឺនគ្រឿង។

លោកថា ពលរដ្ឋមានជីវភាពប្រសើរជាងមុន។ ពួកគាត់ផ្លាស់ប្តូរពីប្រើទូរសព្ទមួយទឹកនាំចូលពីកូរ៉េមកប្រើប្រាស់ទូរសព្ទថ្មី ដែលមានកំណើនជារៀងរាល់ឆ្នាំ។

បើតាមលោកឯម យុទ្ធូ ក្រៅពីរាជធានីភ្នំពេញដែលមានទីផ្សារប្រើប្រាស់ជាង ៦០ ភាគរយ ខេត្តសក្តានុពលមានសៀមរាប បាត់ដំបង កំពង់ចាម ជាទីផ្សារធំបំផុតដែលមានតម្រូវការទិញទូរសព្ទប្រើប្រាស់ច្រើនជាងគេ។

អត្ថបទ៖ ប៊ុណ្ណារ៉ា