ខ្ញុង ដឹកដៃ បងប្រុសនាយ គ្រឿន ទៅអាមេរិកលើកទី២ មិនខ្វល់ពាក្យរិះគន់
- 2017-04-04 03:32:18
- ចំនួនមតិ 0 | ចំនួនចែករំលែក 0
ខ្ញុង ដឹកដៃ បងប្រុសនាយ គ្រឿន ទៅអាមេរិកលើកទី២ មិនខ្វល់ពាក្យរិះគន់
ចន្លោះមិនឃើញ
ម្សិលមិញនេះផលិតកម្មមហាហង្សបានសម្ពោធដាក់បញ្ចាំងរឿង "ស៊ុបភើម៉ាំ" នាង ខ្ញុង ដែលជាតួអង្គក្នុងរឿងនេះបានឲ្យដឹងថា នាងគ្រោងនឹងចេញទៅសម្ដែងនៅលើទឹកដីអាមេរិករយៈពេល២ ខែ ជាមួយនាយ ពែកមី ដោយមិនខ្វល់ពីពាក្យរិះគន់ថាអ្នកទាំងពីរមានទំនាក់ទំនងស្នេហាជាមួយគ្នានោះទេ។
ខ្ញុង បាននិយាយថា នាងមិនខ្វល់ឡើយចំពោះព័ត៌មានមួយចំនួនដែលលេចឭថាមានទំនាក់ទំនងស្នេហាជាមួយ នាយ ពែកមី ទោះបីដឹងថាតារាកំប្លែងរូបនេះមានប្រពន្ធកូនទៅហើយក្ដី "ចាសនាងខ្ញុំនឹងចេញទៅសម្ដែងនៅអាមេរិកលើកទី២ ខ្ញុំទៅតែពីរនាក់បងពែកមី ទោះបីជាខ្ញុំ និងគាត់មានភាពស្និតស្នាលជាមួយគ្នាក៏ដោយ ក៏គ្មានអ្វីលើសពីមិត្តភាពដែរ ព្រោះបងពែកមី មានប្រពន្ធកូនរួចហើយ"។
ខ្ញុង ចេញទៅសម្ដែងជាមួយ និងនាយ ពែកមី លើកនេះមានរយៈពេល ២ ខែ គឺចាប់ពីខែ សីហា ដល់ កញ្ញា តាមការអញ្ជើញពីបងប្អូនខ្មែរដែលរស់នៅអាមេរិក។
នៅក្នុងពិធីសម្ពោធរឿងនេះដែរលោក អ៊ិន សុភិន អគ្គនាយកផលិតកម្មមហាហង្សបានមានប្រសាសន៍ថា "ស៊ុបភើម៉ាំ" គឺជារឿងទី១ ដែល ស្រីតុ និង នាង ខ្ញុង បានប៉ះគ្នាព្រោះកន្លងមកអ្នកទាំងពីមិនដែលបានសម្ដែងជាមួយគ្នានោះទេ។ហេតុដូច្នេះហើយ លោក សង្ឃឹមថា រឿងនេះនឹងទទួលបានការគាំទ្រពីទស្សនិកជនព្រោះបន្ទាប់ពីរឿងនេះចេញ Triller រួចមកមានអ្នកចូលទស្សនាយ៉ាងច្រើនផងដែរ។
លោក បន្តថា រឿង "ស៊ុបភើម៉ាំ" ជាប្រភេទរឿងបែបកំប្លុកប្លែងសើចតាំងពីដើមរហូតដល់ចប់ នឹងត្រូវចាកបញ្ចាំងគ្រប់រោងភាពយន្តទំនើបៗនៅរាជធានី ភ្នំពេញ និងនៅខេត្តសៀមរាប ចាប់ពីថ្ងៃទី៦ ខែមេសា ឆ្នាំ ២០១៦ នេះតទៅហើយ។ចូលរួមសម្ដែងពីតារាសម្ដែងប្រុសស្រីដែលកំពុងតែមានទីផ្សារសិល្បៈនាពេលបច្ចុប្បន្នរួមមាន អ្នកនាង សុខ សោម៉ាវត្តី នាយ គ្រឿន អ្នកនាង ខ្ញុង នាយពែកមី អ្នកនាង កាតុ នាយក្រូច និងតារាកិត្តិយសជាច្រើនរូបទៀត៕