ឡូយណាស់ ពហុកីឡដ្ឋានថ្មី ផ្ទុកមនុស្សបាន៦ម៉ឺននាក់ ហើយជម្លៀសចេញត្រឹម៧នាទី

2017-04-04 01:57:48
ចំនួនមតិ 0 | ចំនួនចែករំលែក 0

ចន្លោះមិនឃើញ

ពហុកីឡដ្ឋានមរតកតេជោសែន ដែលត្រៀមសម្រាប់ស៊ីហ្គេមឆ្នាំ២០២៣ បានចាប់ផ្ដើមកសាងហើយ ដោយប្រើពេល៤០ខែ និងផ្ទុកមនុស្សបានចំនួន៦ម៉ឺននាក់។ នេះបើតាមបញ្ជាក់របស់ឯកឧត្ដម ថោង ខុន។

ប្រធានគណៈកម្មាធិការជាតិអូឡាំពិកកម្ពុជាខាងលើ បានបញ្ជាក់បន្ថែមថាអ្វីដែលកាន់តែពិសេសសម្រាប់ពហុកីឡដ្ឋាននេះ គឺប្រសិនណាបើមានរឿងហេតុមិនល្អណាមួយកើតឡើង មនុស្សទាំង៦ម៉ឺននាក់នោះ អាចជម្លៀសចេញត្រឹមតែពេល៧នាទីប៉ុណ្ណោះ។ ដោយនេះគឺជាមធ្យោបាយមួយដែលពិតជាមានស្ដង់ដារពិតប្រាកដ សម្រាប់អ្នកគាំទ្រកាន់តែមានទំនុកចិត្ត។

ពហុកីឡដ្ឋានមរតកតេជោសែន (Main Stadium) បានប្រកាសបើកការដ្ឋានសាងសង់នៅព្រឹកនេះហើយ ដោយនេះគឺជាគម្រោងទី២ ដែលចំណាយលុយប្រហែល១៥៧លានដុល្លារ ខណៈដែលគម្រោងទី១ដែលសាងសង់អាងហែលទឹក កីឡាក្នុងសាល តារាងវាយកូនបាល់ តារាងបាល់ទះ នោះ គឺធ្វើរួចរាល់អស់ហើយ៕

អត្ថបទ៖ មុន្នីរម្យ