មិនធម្មតា១ឆ្នាំៗ ឌួង ហ្សូរីដា ចំណាយរាប់ម៉ឺនដុល្លារលើសំលៀកបំពាក់ប្រពៃណី
- 2017-04-04 02:26:17
- ចំនួនមតិ 0 | ចំនួនចែករំលែក 0
មិនធម្មតា១ឆ្នាំៗ ឌួង ហ្សូរីដា ចំណាយរាប់ម៉ឺនដុល្លារលើសំលៀកបំពាក់ប្រពៃណី
ចន្លោះមិនឃើញ
ដោយមិនរាប់បញ្ចូលសំលៀកបំពាក់ផ្សេងទៀត តារាសម្ដែង និងពិធីការិនី កញ្ញា ឌួង ហ្សូរីដា បានថ្លែងឲ្យដឹងថា សម្រាប់តែឈុតសំលៀកបំពាក់ប្រពៃណី ក្នុង១ឆ្នាំនាងស្លៀកមិនក្រោម១០០ កំប្លេឡើយ ដែលតម្លៃគិតជាមធ្យមសរុបទៅរាប់ម៉ឺនដុល្លារ។
ឌូង ហ្សូរីដា បានបញ្ជាក់ឲ្យដឹងថា មូលហេតុដែលនាំឲ្យខ្លួនប្រើសំលៀកបំពាក់ច្រើនកំប្លេបែបនេះ ក៏ព្រោះ តែខ្លួនជាតារាម៉ូដែល ឧស្សាហ៍មានកម្មវិធី ដូចនេះត្រូវស្លៀកពាក់ច្រើនម៉ូដ ហើយអាចស្លៀកដដែលបាននោះឡើយ។ នាងថ្លែងថា ជាធម្មតាខោអាវដែលខ្លួនស្លៀក គឺស្លៀកតែម្ដង គឺឈប់ស្លៀកហើយ បន្ទាប់មកខ្លួនយកសំលៀកបំពាក់នោះមកតាំងនៅហាងរបស់ខ្លួនដើម្បីឲ្យភ្ញៀវមើល ហើយសំលៀកបំពាក់ភាគច្រើនភ្ញៀវទិញយកទៅស្លៀកបន្ត។
សំលៀកបំពាក់ដែលតារាស្រីបានស្លៀកខាងលើមានតម្លៃ ក្នុង១កំប្លេមានតម្លៃចន្លោះ១៥០ ដុល្លារ រហូតដល់ទៅជិត១០០០ ដុល្លារ។ ប្រសិនបើមិនមានកម្មវិធីអ្វីទេ ឌួង ហ្សូរីដា ចូលចិត្តស្លៀកសំលៀកបំពាក់ខោខោវប៊យអាវយឺត។
ជាមួយការប្រើប្រាស់សំលៀកបំពាក់ប្រពៃណីនេះ ឌួង ហ្សូរីដា បានណែនាំ ស្ត្រីខ្មែរទាំងអស់គួរតែមានសំលៀកបំពាក់ប្រពៃណីយ៉ាងតិច១កំប្លេប្រចាំខ្លួន ដើម្បីងាយស្រួលចូលរួមកម្មវិធីផ្សេងៗ។ ជាមួយគ្នានេះដែរស្ត្រីខ្មែរដែលមានចំណូលតិច អាចប្រើក្រណាត់ស៊ឹងក៏បាន ត្បិតអីក្រណាត់ប្រភេទនេះ ជារបស់ខ្មែរហើយមានតម្លៃទាប គឺត្រឹម៣០ ទៅ ៤០ ដុល្លារ បើបូកទាំងជាងកាត់ផងនោះ មានតម្លៃប្រហែល៧០ ទៅ ៨០ ដុល្លារប៉ុណ្ណោះក្នុងកំប្លេ។
គូរបញ្ជាក់ថា ប្រសិនបើនិយាយពីការស្លៀកពាក់ខ្មែរយើងមានប្រពៃណីច្បាស់លាស់ណាស់ ចាស់បូរាណបានកំណត់ពណ៌ចំនូន៧ ទៅតាមថ្ងៃនីមួយៗ ឲ្យកូនចៅជំនាន់ក្រោយស្លៀកពាក់ ក្នុងនោះ មានថ្ងៃច័ន្ទ ពណ៌ លឿងទុំ ថ្ងៃអង្គារ ពណ៌ស្វាយ ថ្ងៃពុធ ពណ៌ ស៊ីលៀប ( បៃតងខ្ចី) ថ្ងៃព្រហស្បត្ណិ ពណ៌បៃតងសុទ្ធថ្ងៃ សុក្រ ពណ៌ខៀវ ថ្ងៃ សៅរ៍ ពណ៌ព្រីងទុំ ថ្ងៃអាទិត្យពណ៌ ក្រហម ។
ពណ៌ទាំងនោះចាស់បូរាណបានកំណត់យកតាមគោចរព្រះអាទិត្យ ហើយប្រសិនបើប្រជាជនដែលប្រតិបត្តិបាននោះ នឹងនាំឲ្យមានសិរីសួស្ដីសុភមង្គល។ នេះបើតាមលោកជំទាវ ចាន់ធី អនុរដ្ឋលេខាធិការក្រសួងព័ត៌មាន៕
ស្តាប់ការរៀបរាប់លម្អិតពី ឌួង ហ្សូរីដាក្នុងវីដេអូខាងក្រោម៖