ប្លែកភ្នែកជាមួយតួប្រុសស្រី២គូ ថ្ងៃសម្ពោធរឿង"ស៊ុបភើម៉ាំ"
- 2017-04-04 04:08:33
- ចំនួនមតិ 0 | ចំនួនចែករំលែក 0
ប្លែកភ្នែកជាមួយតួប្រុសស្រី២គូ ថ្ងៃសម្ពោធរឿង"ស៊ុបភើម៉ាំ"
ចន្លោះមិនឃើញ
ម្សិលមិញនេះផលិតកម្មមហាហង្សបានធ្វើពិធីសម្ពោធដាក់បញ្ចាំងខ្សែភាពយន្តខ្នាតធំរបស់ខ្លួនរឿង "ស៊ុបភើម៉ាំ" នៅរោងភាពយន្តលេជេនទួលគោក។ ក្នុងនោះតារាប្រុសស្រីចំនួនពីគូរមាននាយ គ្រឿន អ្នកនាង សុខ សោម៉ាវត្តី នាយ ក្រូច និងអ្នកនាង ខ្ញុងបានតែងខ្លួនយ៉ាងស្រស់ស្អាតដូចកូនក្រមុំ និងកូនកំលោះ។
ការតុបតែងខ្លួនដូចកូនកំលោះ និងកូនក្រមុំនេះដែរ នាយគ្រឿនដើរកៀកដៃគ្នាជាមួយ អ្នកនាង សុខ សោម៉ាវត្តី ចំណែកឯនាយ ក្រូច ដើរបណ្ដើរគ្នាជាមួយអ្នកនាងខ្ញុង បានធ្វើឲ្យទស្សនិកជន និងអ្នកដែលចូលរួមក្នុងពិធីនោះបានសរសើរថាកម្មវិធីសម្ពោធរឿងរបស់មហាហង្សលើកនេះតួប្រុស និងតួស្រីតែងខ្លួនខុសប្លែកពីរាល់ដងតែមើលទៅស្រស់ស្អាតប្លែកម្យ៉ាងដែរ។
លោក អ៊ិន សុភិន អគ្គនាយកផលិតកម្មមហាហង្សមានប្រសាសន៍ថា រឿង "ស៊ុបភើម៉ាំ" នេះខុសប្លែកពីរឿងមុនៗ ដោយសារតែរឿងនេះមានកំពូលតារាកំប្លែងស្រី២រូបបានប៉ះគ្នាជាលើកដំបូង គឺអ្នកនាង ខ្ញុង និង ស្រីតុ ។ ហេតុដូចច្នេះហើយលោកសង្ឃឹមថារឿងនេះ នឹងទទួលបានការគាំទ្រពីទស្សនិកជននៅពេលដែលដាក់បញ្ចាំងនៅតាមរោងកុននាពេលខាងមុខនេះ។
លោក បន្តថា រឿង "ស៊ុបភើម៉ាំ" នេះជារឿងបែបកំប្លុកកំប្លែងសើចតាំងពីដើមរហូតដល់ចប់ ជាមួយភាពច្រមិចក្រមឺមរបស់តួប្រុសតួស្រីក្នុងរឿង នឹងត្រូវចាកបញ្ចាំងគ្រប់រោងភាពយន្តទំនើបៗក្នុងរាជធានីភ្នំពេញ និងនៅខេត្តសៀមរាបនៅថ្ងៃទី៦ ខែមេសា ឆ្នាំ ២០១៧ នាពេលខាងមុខនេះហើយ។ចូលរួមសម្ដែងដោយ អ្នកនាង សុខ សោម៉ាវត្តី នាយ គ្រឿន នាយ ពែកមី នាង ខ្ញុង អ្នកនាង តុ នាយ ក្រូច លោក ងួន សុបិន និងតារាកិត្តិយសប្រុសស្រីជាច្រើនរូបទៀត៕