Amazon នឹងសង ៧០ លានដុល្លារ ក្រោយបោះបង់ការតវ៉ាជំទាស់នៅតុលាការ
- 2017-04-05 06:49:08
- ចំនួនមតិ 0 | ចំនួនចែករំលែក 0
Amazon នឹងសង ៧០ លានដុល្លារ ក្រោយបោះបង់ការតវ៉ាជំទាស់នៅតុលាការ
ចន្លោះមិនឃើញ
Amazon បានសម្រេចទម្លាក់ចោលពាក្យបណ្ដឹងឧទ្ធរណ៍របស់ខ្លួនដែលប្ដឹងជំទាស់នឹងការសម្រេចចិត្តរបស់តុលាការ ដោយជិតមួយឆ្នាំមុនតុលាការបានសម្រេចសាលក្រមថា Amazon មានកំហុសលើការគិតកម្រៃនៃការទិញរបស់ក្នុងកម្មវិធីពីអ្នកប្រើប្រាស់ដោយមិនស្របច្បាប់។
តាមពិតទៅការកាត់លុយនៃការទិញរបស់ក្នុងកម្មវិធីធ្វើឡើងដោយកូនក្មេងតូចៗនៅពេលដែលពួកគេប្រើប្រាស់កម្មវិធីដែលអាចទាញយកបានដោយឥតគិតថ្លៃ។ នៅឆ្នាំ ២០១៦ ចៅក្រមសហព័ន្ធសហរដ្ឋអាមេរិកបានរកឃើញថា Amazon មិនអាចផ្ដល់ការបញ្ជាក់ច្បាស់ដល់ឪពុកម្ដាយទាំងឡាយថាកម្មវិធីឥតគិតថ្លៃមួយចំនួនគឺមានបញ្ចូលការទិញរបស់ក្នុងកម្មវិធី ហើយមិនបានផ្ដល់ការណែនាំគ្រប់គ្រាន់ និង មិនបានកំណត់ឲ្យមានការទាមទារលេខសម្ងាត់ពេលទិញរបស់ក្នុងកម្មវិធី។
គណៈកម្មការសហព័ន្ធពាណិជ្ជកម្មបានប៉ាន់ស្មានថាឪពុកម្ដាយទាំងឡាយបានចំណាយលើសពី ៧០ លានដុល្លារលើការទិញរបស់ក្នុងកម្មវិធីធ្វើឡើងដោយកូនៗរបស់ពួកគេ។ តួលេខនេះគិតចាប់ពីចន្លោះខែវិច្ឆិកា ឆ្នាំ ២០១១ ដល់ខែឧសភា ឆ្នាំ ២០១៦។ Amazon បានស្នើសុំដោយចង់ផ្ដល់សំណងជា Gift Card (កាតដែលមានទឹកប្រាក់សម្រាប់ទិញទំនិញ) វិញប៉ុន្តែត្រូវបានតុលាការជំទាស់ ហេតុនេះឆាប់ៗខាងមុខក្រុមហ៊ុននឹងចាប់ផ្ដើមផ្ដល់សំណងជាទឹកប្រាក់តាមរយៈកាតឥណទាន ឬ តាមរយៈសែក៕