គង់ វិច្ឆិកា បង្ហើបពីមហិច្ឆតា RANG ROVER
- 2017-04-05 06:59:18
- ចំនួនមតិ 0 | ចំនួនចែករំលែក 0
គង់ វិច្ឆិកា បង្ហើបពីមហិច្ឆតា RANG ROVER
ចន្លោះមិនឃើញ
តារាសម្ដែង និងពិធីការិនី កញ្ញា គង់ វិច្ឆិកា ដែលកំពុងតែជិះ LEXUS RX 300 បានបង្ហើបឲ្យដឹងថា ខ្លួនចង់ប្ដូររថយន្តកំពុងជិះរាល់ថ្ងៃចង់ខ្លាំងណាស់ ហើយរថយន្តដែលជាក្ដីស្រមៃរបស់នាងនោះ គឺ RANG ROVER។
បច្ចុប្បន្នតារាស្រីរូបនេះកំពុងតែសន្សំប្រាក់ ដើម្បីបំពេញក្ដីស្រមៃរបស់ខ្លួន ហើយនាងសង្ឃឹមយ៉ាងមុតមាំថា អាចសន្សំបានគ្រប់ឆាប់ៗខាងមុខនេះ។ RANG ROVER ដែលគ្រោងគ្រោងទិញនោះ អាចមានតម្លៃច្រើនជាង៦ ម៉ឺន ខណៈដែល LEXUS RX 300 នាងកំពុងជិះតាមតម្លៃត្រឹម១ម៉ឺនដុល្លារជាងប៉ុណ្ណោះ។
វិច្ឆិកាបានបន្តឲ្យដឹងថា មួយរយៈចុងក្រោយនេះ ការងារសិល្បរបស់នាង មានការរីកចម្រើនជាងមុន ព្រោះឧស្សាហ៍ចុះធ្វើ MCតាមខេត្ត ញឹកញាប់។ ជាមួយគ្នានោះ តម្លៃខ្លួនក៏បានឡើងថ្លៃជាងមុខផងដែរ។ ចំពោះការងារថតកុនវិញ រាងរយាលបន្តិច ព្រោះតែរវល់នឹងការងារ MC ច្រើនពេក។
នាងថ្លែងថា ជាមួយការចង់បាន RANG ROVER រហូតដល់ថ្នាក់ដេកសុបិនញឹកញាប់នេះ ខ្លួនមិនចង់លេងផ្លូវកាត់ឡើយ ប្រសិនបើមានបុរសមានទ្រព្យណាម្នាក់ចង់ជួយក្ដី ព្រោះនាងគិតថា ជំនួយតែងមានចំណង ដូចនេះចង់សន្សំដោយកម្លាំងញើសឈាមខ្លួនឯងប្រសើរជាជាង។
គង់ វិច្ឆិកា បានបោះជំហានចូលសិល្បៈជាង៤ ឆ្នាំមកហើយ តារាស្រីរូបនេះធ្លាប់ជិះរថយន្តអស់ចំនួន២គ្រឿងមកហើយ ដែលរថយន្តដែលនាងជិះដំបូងគេគឺ ម៉ាក Corolla។
ក្នុងអាជីពសិល្បៈខាងលើ ក្រៅពីជាពិធីការិនី តារាស្រីរូបនេះធ្លាប់សម្ដែង MV ស្ប៉តពាណិជ្ជកម្ម និង ធ្លាប់ថតខ្សែភាពយន្តបាន៥ ទៅ៦ រឿងមកហើយ។ ការសម្ដែងរបស់នាងបានត្រឹមតួអង្គបន្ទាប់បន្សំ មិនទាន់មានឱកាសបានសម្ដែងតួឯកនៅឡើយទេ។
បច្ចុប្បន្ននាងគឺជាពិធីការិនីឲ្យស្ថានីយទូរទស្សន៍ហង្សមាស ដែលពីមុននាងកាន់កម្មវិធី "តំបន់យុវវ័យ" ប៉ុន្តែកម្មវិធីមួយនោះត្រូវបានផ្អាក ខាងស្ថានីយតម្រូវឲ្យនាងមកកាន់ កម្មវិធី"តន្ត្រីពិសេស" ជំនួសវិញ៕