មុនទៅបារាំងស្អែក សេន ប៊ុនថេន ប្រាប់ពេលវេលាចូលនិវត្តន៍ពីសង្វៀន
- 2017-04-05 07:57:16
- ចំនួនមតិ 0 | ចំនួនចែករំលែក 0
មុនទៅបារាំងស្អែក សេន ប៊ុនថេន ប្រាប់ពេលវេលាចូលនិវត្តន៍ពីសង្វៀន
ចន្លោះមិនឃើញ
អ្នកប្រដាល់ដែលថែសាច់បានល្អនិងជាកីឡាករដែលមានបទពិសោធន៍ជោកជាំលើសង្វៀន មិនថាក្នុងស្រុកឬក្រៅស្រុកនោះ សេន ប៊ុនថេន ថាចិត្តនៅតែស្រឡាញ់វិស័យប្រដាល់គុនខ្មែរ តែធ្វើដូចម្ដេចបើវ័យជ្រេទៅហើយមិនអាចនៅបន្តអាជីពនេះទៀតទេ។
កីឡាករ សេន ប៊ុនថេន បាននិយាយថា វាដល់ពេលហើយដែលលោកត្រូវឈប់ពីអាជីពមួយនេះ ព្រោះថាពេលអាយុក៏ច្រើនណាស់ដែរ វ័យកាន់តែចាស់កម្លាំងក៏ធ្លាក់ចុះតាមនិងដែរ ហើយសម្រាប់ការប្រកួតនៅប្រទេសបារាំងនាពាក់កណ្ដាលខែមេសានេះជាប្រកួតចុងក្រោយរបស់គេផងដែរ។
ទាក់ទិនទៅនិងការឈប់ឡើងប្រកួតនេះដែរអ្នកប្រដាល់រូបនេះបន្តទៀតថា បើគិតមកដល់ពេលនេះ គេប្រឡូកជាមួយនិងវិស័យប្រដាល់នេះជិត១៥ឆ្នាំមកហើយ នេះបើគិតមកតាំងពីឆ្នាំ២០០២មកម្ល៉េះ។ ទោះជាមិនឡើងប្រកួតដូចមុនក្ដី តែកូនសិស្សលោកគ្រូ មាស សុខគ្រី ម្នាក់នេះក៏មិនទៅណាឆ្ងាយពីប្រដាល់នោះឡើយ នៅតែបន្តបង្ហាត់សិស្ស ហើយអាចនិងសុំចូលជាមន្ត្រីសហព័ន្ធប្រដាល់ ដើម្បីធ្វើជាចៅក្រមនិងអាជ្ញាកណ្ដាល។
កីឡាករវ័យ ៣៥ឆ្នាំរូបនេះ នឹងត្រូវចេញពីប្រទេសកម្ពុជានៅរសៀលថ្ងៃស្អែកវេលាម៉ោង៣ ក្រៅពីនោះក៏មានកីឡាករ ម៉ឺន សុភា និងឡៅ ចន្រ្ទា ក៏ធ្វើដំណើរចេញទៅប្រកួតនៅប្រទេសបារាំងនោះដែរ។ កីឡាករកម្ពុជា៣រូបនេះនឹងត្រូវឡើងប្រកួតដណ្ដើមខ្សែក្រវាត់នៅថ្ងៃទី១៥ ខែមេសា ឆ្នាំ២០១៧ខាងមុខនេះ ហើយវិលត្រឡប់មកវិញនៅថ្ងៃទី៦ ខែក្រោយ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
