ចង់ដឹងអត់ ដូណាល់ ត្រាំ ធ្វើការ៣ខែដំបូងនេះ បានប្រាក់ខែប៉ុន្មាន?

2017-04-06 02:18:20
ចំនួនមតិ 0 | ចំនួនចែករំលែក 0

ចន្លោះមិនឃើញ

មកទល់នឹងពេលនេះ ប្រធានាធិបតីអាមេរិក ទី៤៥ លោក ដូណាល់ ត្រាំ បានឡើងកាន់ដំណែងពេញសិទ្ធ រយៈពេល៣ខែមកហើយ ពោលគឺចាប់តាំងពី ថ្ងៃទី២០ ខែមករា ឆ្នាំ២០១៧មក។

លោក ត្រាំ ដែលធ្លាប់បានសន្យាថា នឹងធ្វើការដោយមិនយកប្រាក់បៀវត្ស បានបរិច្ចាគប្រាក់ខែមួយត្រីមាសដំបូងរបស់ខ្លួន (៣ខែ) ឲ្យទៅទីភ្នាក់ងារសហព័ន្ធ National Park Service កាលពីថ្ងៃច័ន្ទ កន្លងទៅនេះ។

នៅក្នុងសន្និសីទឯសេតវិមាន លោក Sean Spicer រដ្ឋលេខាធិការរបស់សេតវិមាន បានបង្ហាញសែកមួយសន្លឹក ដែលបានចុះហត្ថលេខាដោយ លោក ត្រាំ មានទឹកប្រាក់ចំនួន ៧៨ ៣៣៣.៣២ដុល្លារ ដែលជាប្រាក់បៀវត្ស៣ខែរបស់ប្រធានាធិបតីសម្បូរទ្រព្យរូបនេះ និងប្រគល់ទៅឲ្យរដ្ឋលេខាធិការក្រសួងមហាផ្ទៃ លោក Ryan Zinke ដែលមើលការខុសត្រូវទីភ្នាក់ងារសហព័ន្ធនោះ។

គួរបញ្ជាក់ថា ប្រធានាធិបតីអាមេរិក ទទួលបានប្រាក់បៀវត្ស ចំនួន ៤០០ ០០០ដុល្លារក្នុងមួយឆ្នាំ ដោយមិនរាប់បញ្ចូលពីអត្ថប្រយោជន៍ ដែលមកជាមួយនឹងការងារ ដូចជាលំនៅឋានឡើយ៕

ប្រភព៖ nytimes ប្រែសម្រួល៖ សេង ឡុង